Kodi Zgjedhor përcakton ndërprerjen
e mandatit dhe zëvendësimin

TIRANE - Kodi Zgjedhor përcakton qartë ndërprerjen e mandatit të deputetit dhe zvendësimin e tij pas vakancës së krijuar në Parlament. “Deputeti deklaron në mënyrë publike përpara komisionit përkatës të Kuvendit refuzimin për të bërë betimin ose heqjen dorë nga mandati.

Në këtë rast Kuvendi, jo më vonë se 30 ditë, njofton KQZ-në për krijimin e vakancës. 2. Mandati i ndërprerë i kalon kandidatit vijues të listës së të njëjtës parti politike në zonën zgjedhore përkatëse. 3. KQZ-ja merr vendim për dhënien e mandatit kandidatit të radhës në listën e kandidatëve të regjistruar sipas nenit 67 të këtij Kodi. Vendimi i njoftohet kandidatit dhe botohet në Fletoren Zyrtare”, thuhet në Kodin Zgjedhor.

Më tej në nenin 164 qartësohet se “Nëse kandidati i radhës nuk paraqitet në Kuvend brenda 30 ditëve nga njoftimi, pa shkaqe të përligjura, mandati i kalon kandidatit vijues të listës, sipas procedurës së parashikuar në pikën 1 ose 2 të këtij neni”, saktësohet në ligjin zgjedhor. Gjithashtu edhe Kushtetuta dhe Rregullorja e Parlamentit përfshijnë të njëjtat procedura për zvendësimin e vakancave që krijoihen në Kuvend pas dorëheqjes së deputetetëve.
 
Ky shkrim u botua sot në Shqiptarja.com, versioni print, dt.04.08.2013
Redaksia online
(ar.sh/shqiptarja.com)
 

TAG:
• kqz