POP 5

Lajmet më të lexuara të 5 minutave të fundit

Kronikë

Koka: Brenda 2 viteve certifikatë 
pronësie për pyjet dhe kullotat

Falë Projektit të Shërbimeve Mjedisore, i cili u prezantua këtë të enjte nga Ministri i Mjedisit Lefter Koka, do të marrin fund abuzimet me të dhënat e sipërfaqeve pyjore dhe kullotave. Gjatë prezantimit të projektit me vlerë 23 milionë dollarë, Koka tha se ai konsiston në regjistrimin e pyjeve dhe kullotave duke siguruar atë që mund të konsiderohet si “Certifikata e Pronësisë” për pyjet dhe kullotat. VIDEO
Koka: Brenda 2 viteve certifikatë <br />pronësie për pyjet dhe kullotat
TIRANE - Falë Projektit të Shërbimeve Mjedisore, i cili u prezantua këtë të enjte nga Ministri i Mjedisit Lefter Koka, do të marrin fund abuzimet me të dhënat e sipërfaqeve pyjore dhe kullotave. Gjatë prezantimit të projektit me vlerë 23 milionë dollarë, Koka tha se ai konsiston në regjistrimin e pyjeve dhe kullotave duke siguruar atë që mund të konsiderohet si “Certifikata e Pronësisë” për pyjet dhe kullotat.

“Në 2 vitet e para të projektit do të kemi në dorë kadastrën elektronike të pyjeve dhe kullotave. Pas këtyre 2 viteve dhe në vazhdim më në fund do të mundemi të flasim me shifra konkrete dhe reale, sesa sipërfaqe pyjesh kemi, ku janë, si është gjendja e tyre, duke i dhënë kështu fund amullisë dhe abuzimit me të dhënat e sipërfaqeve pyjore dhe kullotave”- u shpreh Koka

Pjesë e projektit është edhe prezantimi i Pagesave për Shërbimet Mjedisore dhe krijimi i skemave të qarta financuese për uljen e degradimit të tokës dhe mbështetjen e zhvillimit të qëndrueshëm. Një pjesë e investimit do të shkojë në përgatitjen e fermerëve për të aplikuar për projektet që priten të vijnë nga Komiteti Evropian në fushën e Mjedisit dhe Bujqësisë.

Në mbyllje të fjalës së tij Ministri i Mjedisit tha se shumë shpejt pritet të diskutohet edhe ligji i ri i Pyjeve i cili jo vetëm shërben për të reformuar gjendjen e pyjeve në vend, por përmbush edhe një nga kërkesat e BE-së. I pranishëm në prezantimin e projektit në fjalë , edhe Ministri i Bujqësisë Edmond Panariti theksoi rëndësinë e pyllëzimit si një faktor esencial në shmangien e erozionit të tokave.
Projekti i Shërbimeve mjedisore mbështetet nga Ministria e Mjedisit, Banka Botërore dhe programi SIDA i qeverisë suedeze.
 
Redaksia Online
(Gre.M/Shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57