POP 5

Lajmet më të lexuara të 5 minutave të fundit

Kronikë

Koka: Rehabilitimi i Shëtitores
Bregu i Drinit Lezhë, gati në 2014

Ministri i Mjedisit përuroi  fillimin e punimeve të projektit  për  Rehabilitimin dhe Pyllëzimin e Shëtitores Bregu i Drinit, në Lezhë. Projekti, parashikon rehabilitimin e Drinit në të dy anët e tij, ndërtimin e shëtitores me një gjatësi 2 kilometra, vendosjen e stolave dhe të ndriçimit.
Koka: Rehabilitimi i Shëtitores<br />Bregu i Drinit Lezhë, gati në 2014
LEZHE - Ministri i Mjedisit, z. Lefter Koka përuroi fillimin e punimeve të projektit për Rehabilitimin dhe Pyllëzimin e Shëtitores Bregu i Drinit, në Lezhë.
 
Gjatë ceremonisë së përurimit Ministri Koka u shpreh se: “Rehabilitimi e gjelbërimi i Shëtitores së Bregut të Drinit, është pjesë e një sërë projektesh që kemi nisur në mbarë vendin për të përmirësuar standartin e jetës së qytetarëve shqiptarë. Punimet që filluan sot, do ta shndërrojnë shëtitoren nga një zonë të degraduar në një ambjent të pastër, të bukur dhe në shërbim të qytetarit”.
 
I pyetur nga mediat mbi problematikat e ndryshme që ka qyteti, Ministri Koka u shpreh se Lezha është në vëmendje të qeverise shqiptare dhe sidomos të deputetëve të Qarkut.
 
rehabilimitimi shetitorja bergu drini lezhe

Projekti, parashikon rehabilitimin e Drinit në të dy anët e tij, ndërtimin e shëtitores me një gjatësi 2 kilometra, vendosjen e stolave dhe të ndriçimit. Për gjelbërimin e Shëtitores do të mbillen, 1000 fidanë  të llojit rrap dhe 2600 fidanë dekorativ me ngjyra të ndryshme.
 
Projekti do të realizohet nga buxheti i Ministrisë së Mjedisit, dhe ka një vlerë prej  300 milionë lekë të vjetra. Punimet për rehabilitimin dhe gjelbërimin e Shëtitores Bregu i Drinit në Lezhë, do të përfundojnë brenda vitit 2014.
 
lefter koka lezhe

Projekti i Shëtitores së Bregut të Drinit, është i treti që ka nisur zbatimi brenda këtij muaji. Aktualisht kanë filluar punimet për Rehabilitimin dhe Pyllëzimin e Kodër Vila në Durrës dhe në Parkun Kombëtar Lurë.
 
Javët e ardhshme do të nisin punimet rehabilituese edhe katër projekte të tjera.

Redaksia Online
(Shqiptarja.com)
          

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57