POP 5

Lajmet më të lexuara të 5 minutave të fundit

Sport

‘Kokëkuqja’ me të cilën Schumacher fitoi titullin e parë kampion del në ankand

Një nga makinat Ferrari të Michael Schumacher-it , fitues i kampionatit nga sezoni 2000, pritet të arrijë deri në 9.5 milionë dollarë në ankand në Hong Kong këtë muaj.

‘Kokëkuqja’ me të cilën Schumacher fitoi titullin e parë kampion del në ankand

Ferrari i vitit 2000

Një nga makinat Ferrari të Michael Schumacher-it , fitues i kampionatit nga sezoni 2000, pritet të arrijë deri në 9.5 milionë dollarë në ankand në Hong Kong këtë muaj. Ferrari F1-2000 u drejtua nga Schumacher gjatë fitores së tij në Çmimin e Madh të Brazilit, si dhe kur ai fitoi pole position në Çmimin e Madh të Monakos të njëjtin vit. Ai sezon shënoi të parën nga pesë titujt radhazi botëror të pilotit gjerman me Ferrarin dhe kampionatin e parë të ekipit për 21 vjet.

Gjatë vitit, ai regjistroi nëntë fitore në gara dhe 12 podiume në total, duke përfunduar titullin botëror përpara Mika Häkkinen në garën e parafundit në Çmimin e Madh të Japonisë. Makina do të nxirret në ankand nga kompania RM Sotheby’s në Hong Kong dhe parashikohet që çmimi i saj të shkojë deri në 9 milionë euro. Një shumë më e ulët se ajo që u arkëtua për makinën tjetër Ferrari të ish-pilotit gjerman F2003-GA, që u shit 14.5 milionë euro.

Makina që do të dalë së shpejti në ankand ka një telajo 198, që u përdor nga Michael Schumacher për të fituar garën e Brazilit. Në atë garë, ai u nis nga vendi i tretë, por në fund fitoi pas tërheqjes së Mika Hakinen dhe skualifikimit të David Kulthard. Më pas, ajo telajo u përdor edhe në garën e Spanjës dhe në Montekarlo, ku në të dyja rastet siguroi “pole position”. Kjo ishte makina që nisi një cikël fitues te Ferrari, me 5 tituj kampionë radhazi.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57