POP 5

Lajmet më të lexuara të 5 minutave të fundit

Sport

Kolegët trajner të Vllaznisë përfundojnë në prokurori, akuza dhe kundër akuza: Detyruan volejbollistet të më kërkojnë largimin

Përplasja mes trajnerëve kolegë në volejbollin e femrave të Vllaznisë dhe ndërhyrja e drejtorit sportiv ka bërë që çështja të shkojë në prokurori.

Ardian Mikopoli, tashmë një ish-trajner i volejbollit për femra, ndihet i tradhëtuar nga miqtë dhe kolegët e tij. Ai rrëfeu sot para kamerave duke bërë publike historinë e tij se miqtë-kolegë thurrën një komlot për ta larguar nga puna duke shfrytëzuar mungesën e tij prej vetëm 7 ditësh në stërvitje. Çështje që tashmë ka përfunduar në dyert e prokurorisë së shkodrës. Kolegu i tij trajner dhe drejtori sportive sipas Mikopolit detyruan edhe vajzat sportiste të klubit Vllaznia që të firmosnin një peticion për largimin e tij nga puna.

"Nga ajo ditë kur vajzat kanë firmosur atë shkresë, unë kam vendosur se nuk do të jem më pjesë e trajnimit në Bashki, por do të jem pjesë e fortë e tregimeve të forta institucionale dhe do ta çoj deri në fund të drejtën time. Por unë nuk pranoj që vajzat të kapen forcërisht dhe të detyrohen të dalin e të firmosin, në një kohë që ata më shkruajnë të kundërtën dhe po jua bëj prezent mesazhin që më dërgon njëra prej tyre,"-u shpreh fillimisht Mikopoli.

Sipas ish trajnerit po bëhet një padrejtesi duke qënë se mungoi vetëm pak ditë në stërvitje. Ardian Mikopoli tha se kolegu i tij ka munguar për muaj të tërë

“Komisioni Disiplinor i ngritur për këto probleme ka vendosur që unë të paralajmërohem për shkarkim nga detyra, sepse gjoja kam munguar 7 ditë në stërvitje. Një vërejtje që nuk është e drejtë mendoj unë sepse prej datës 7 janar nuk kam munguar as edhe një ditë në stërvitje. Kam takuar edhe kryetaren e Bashkisë pasi fillova të kisha këto probleme. Më dukej absurde, kur unë dënohesha ngaqë nuk kisha dalë 7 ditë në stërvitje, ndërkohë që kolegu im, z. Besnik Lisha që nga shtatori deri në dhjetor të 2019 ka munguar në stërvitje,”-deklaroi më tej Mikopoli.

Ndërkohë kjo është gjysma e histories, pasi personat e akuzuar nga Ardian Mikopoli nuk kanë folur ende për këtë histori që tashmë po luhet larg fushës së volejbollit, dhe topin e kanë gjykatësi, prokurori e avokatët.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03