Uzuni humbet sfidat me Çekinë dhe Gjeorgjinë për shkak dëmtimi, ftohet në Kombëtare sulmuesi Indrit Tuci! I dëmtuar edhe Asllani

Tjetër ndryshim në listën e Kombëtares shqiptare në prag të ndeshjeve të Nations League ndaj Çekisë dhe Gjeorgjisë.

FSHF bën me dije se sulmuesi Myrto Uzuni ka pasur një problem muskulor në ndeshjen e fundit me klubin, por u paraqit në Kombëtare për t’iu nënshtruar analizave mjekësore. Dje futbollisti bëri një rezonancë magnetike që evidentoi një dëmtim në muskujt e pulpës së djathtë.

Për këtë arsye, lojtari nuk mund të jetë i disponueshëm për ndeshjet e Kombëtares në tetor dhe do të kthehet në klubin e tij për të vazhduar programin e rikuperimit.

Trajneri Sylvinho ka vendosur të thërrasë në vendin e tij sulmuesin Indrit Tuci, i cili pritet të mbërrijë sot në Tiranë për t’iu bashkuar ekipit në përgatitjet për dy transfertat e rëndësishme. 24-vjeçari është pjesë e Spartës së Pragës dhe për herë të parë merr ftesë nga ekipi i parë, teksa më herët ka luajtur shtatë ndeshje (një gol) me ekipin U-21.

Ndërkohë që me probleme muskulore është edhe Kristjan Asllani, gjendja e të cilit do shihet në orët në vijim.

Indrit Tuci

S.DH/Shqiptarja.com

TAG:
• Liga e Kombeve
• Tirane
• fshf
• kombetarja shqiptare
• kristjan asllani