POP 5

Lajmet më të lexuara të 5 minutave të fundit

Politikë

Komisionerët, 219
milionë lekë shpërblime

KQZ debatoi dje lidhur me buxhetin e hartuar për zgjedhjet e 2013, ku anëtarët e propozuar nga opozita kundërshtuan shpërblimet e larta të komisionerëve të ndryshëm. Në 23 qershor do të përdoren mbi 3 milionë fletë votimi dhe mbi 3 mijë kuti votimi.
TIRANE - Anëtarët e Komisionit Qendror të Zgjedhjeve shtynë me konsensus miratimin e buxhetit që do të përdoret për zgjedhjet e 23 qershorit, kjo pas debateve të shumta lidhur me shuma të larta për zëra të ndryshëm në buxhet.

Kryesisht u debatua për fondin që i është akorduar komisionerëve të ndryshëm,fushatës publicitare etj. Kostoja që pritet t`i kushtojë buxhetit të KQZ vetëm për shpërblimet e komisionerëve zgjedhorë është plotë 219 milionë lekë të reja.

Janë parashikuar të shpërblehen 712 anëtarët e KZAZ-ve, 38,500 anëtarët e KQV-ve për ditën e zgjedhjeve, 3,784 anëtarët e GNV-ve për ditët e procesit të numërimit. Masa e shpërblimit do të jetë e njëjtë me atë të zgjedhjeve të mëparshme për organet e qeverisjes vendore 2011.

Kryetari dhe zv/kryetari i KZAZ-së është paguar me 65 mijë lekë, anëtarët dhe sekretari i KZAZ-së me 60 mijë lekë. Si një nga risitë e zgjedhjeve të 23 qershorit, aplikimi i teknologjisë do të shoqërohet edhe me kosto shtesë.

Për zgjedhjet KQZ ka miratuar procedurat për mbledhjen, administrimin dhe publikimin e informacionit për pjesëmarrjen në zgjedhje ditën e votimit, të cilat do të kryhen nga një person i emëruar nga KQZ-ja pranë çdo KZAZ-je, në total 89.

Anëtari i i KQZ-së, Hysen Osmani, kërkoi shpjegime nga Drejtoria e Financës për pagesën shumë të lartë të Komisionerëve, të cilët edhe pse punojnë vetëm një ditë, marrin 25 mijë lekë të reja. Pas kësaj, kryetarja e Komisionit Qendror të Zgjedhjeve, Lefteri Lleshi, kërkoi nga administrata që brenda kësaj jave të paraqesin dhe fondin për fushatën sensibilzuese të zgjedhjeve, në mënyrë që buxheti të jetë i plotë.

FLETËT E VOTIMIT

Në buxhetin e detajuar janë përcaktuar edhe numri i fletëve të votimit dhe shuma që ato kushtojnë. Në zërat për materialet specifike, bëhet e ditur se do të përdoren plotë 3,355,946 fletë votimi që do të kushtojnë 41.479.491 lekë. Sipas projektbuxhetit të përgatitur nga administrata, vetëm një fletë votimi do të kushtojë 12 lekë të reja.

Për të realizuar procesin do të blihen dhe 3000 kuti të cilat do të përdoren për materialet zgjedhore. Kjo sasi e kutive do t’i shtohet kutive të zgjedhjeve të 2011-s dhe do të ketë të njëjtat karakteristika. Për dërgimin e bazës materiale zakonisht janë përdorur mjetet e ushtrisë.

Në zgjedhjet e 23 qershorit do të përdoren plotë 119.700 vula sigurie, të cilat do të kushtojnë poltë 17.236.800 lekë. Ndërkohë që vula për 89 KZAZ dhe 5500 KQV do të jenë 16.589 copë që do të kushtojnë 19.989.745 lekë.

Shkrimi u botua sot në gazetën Shqiptarja.com (print)26.02.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Eduard Zaloshnja: Rama synon 1 milion vota gjithësej dhe 84 mandate për PS-në, por…

Eduard Zaloshnja: Rama synon 1 milion vota gjithësej dhe 84 mandate për PS-në, por…

10 Janar, 09:40 nga Eduard Zaloshnja