Komisioneri Publik ankimoi vendimin e KPK, shtyhet seanca në KPA për gjyqtarin Edmond Islamaj

Shtyhet seanca për gjyqtarin e Gjykatës së Lartë, Edmond Islamaj. Seanca për dhënien e vendimit nga Kolegji i Posaccëm i Apelimit do të zhvillohet më datë 20 dhjetor 2018, në orën 09:30.

Islamaj doli para KPA më 12 nëntor 2018, pas ankimimit në muajin korrik nga Komisioneri Publik, se hetimi i KPK në ngarkim të gjyqtarit ishte i paplotë.

Në 7 qershor, KPK vendosi të konfirmojë në detyrë gjyqtarin Edmond Islamaj, pasi sipas KPK, ai ishte i pastër dhe nuk kishte problem me pasurinë.

Njoftimi i KPA:

Kolegji i Posaçëm i Apelimit zhvilloi sot, më datë 17 dhjetor 2018, seancën gjyqësore publike të radhës për çështjen (JR) nr.9/2018, datë 19.07.2018 që i përket ankimit të paraqitur nga Komisioneri Publik kundër vendimit nr.22, datë 07.06.2018 të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit Edmond Islamaj.

Në seancën e sotme, Komisioneri Publik dhe subjekti i rivlerësimit analizuan vlerën provuese të provave, të cilat, trupi gjykues vendosi të merren në gjykimin e kësaj çështjeje, me vendimin e ndërmjetëm të datës 17.12.2018.

Komisioneri Publik kërkoi hetimin edhe të disa fakteve dhe marrjen e disa provave të tjera, kërkesë e cila, nuk u pranua nga trupi gjykues, bazuar në nenin 49, pika 6, germa a dhe b e ligjit 84/2016.

Trupi gjykues vendosi të shtyjë seancën gjyqësore ditën e enjte, më datë 20.12.2018, ora 09.30, për t’i dhënë kohën e nevojshme subjektit të rivlerësimit, të shpjegojë dhe provojë mënyrën e përfitimit të çmimit të shitjes së autoveturës “Range Rover”, me targë AA …

TAG:
• edmond islamaj
• vendimi i kpa