TIRANË- Prokuroria e Posaçme kërkon pushimin e çështjes për 7 ish-gjyqtarët të cilët janë kallëzuar për fshehje pasurie dhe evazion fiskal. Këtë të premte SPAK paraqiti kërkesën në GJKKO për pushim çështje, ndërsa vendimi pritet të shpallet më 7 korrik.

SPAK kërkon pushimin e çështjes me argumentin se s’ka vepër penale. 7 ish-gjyqtarët e dorëhequr dhe shkarkuar nga vettingu u kallëzuan penalisht nga avokati Fran Dashi për evazion fiskal e fshehje pasurie.

Shtatë ish-gjyqtarët për të cilët SPAK kërkon pushim të çështjes

1. Xhezair Zaganjori, ish-kreu i Gjykatës së Lartë;
2. Tom Ndreca, ish-gjyqtar në Gjykatën e Lartë;
3. Gani Dizdari, ish-gjyqtar në Gjykatën Kushtetuese;
4. Edmond Islamaj, ish-gjyqtar në Gjykatën e Lartë;
5. Guxim Zenelaj, ish-gjyqtar në Gjykatën e Lartë;
6. Guxim Zenelaj, ish-gjyqtar në Gjykatën Kushtetuese;
7.  Aleksandër Muskaj, ish-gjyqtar në Gjykatën e Lartë

Kujtojmë se prillin e vitit 2020, avokati Dashi kallëzoi 20 ish-gjyqtarë dhe prokurorë të shkarkuar nga vettingu, duke i akuzuar për mashtrim, fshehje pasurie, fshehje të të ardhurave, mospagim të taksave, shpërdorim detyre, refuzim për deklarim dhe mosdeklarim pasurie. Menjëherw SPAK nisi hetimet për 10 nga 20 emrat e kallëzuar, ish-anëtar të gjykatës së Lartë dhe Kushtetuese, ndërsa për 10 të tjerët Prokuroria e Posaçme deklaroi se nuk ishin kompetencë e saj dhe se i janë dërguar Prokurorive Durrës, Tiranë dhe Elbasan. SPAK regjistroi procedimin penal për 9 ish anëtarë të Gjykatës së Lartë dhe Kushtetuese, konkretisht për: Bashkim Dedja, Tom Ndreca, Shkëlzen Selimi, Gani Dizdari, Artan Zeneli, Edmond Islamaj, Guxim Zenelaj, Besnik Imeraj dhe Aleksandër Muskaj.