Komisioni Evropian çon Poloninë në Gjykatën Europiane të Drejtësisë për shkelje të ligjeve

Komisioni Evropian po e çon Poloninë në gjykatë për vendimet e gjyqtarëve polakë të që minojnë rrënjësisht rendin ligjor të BE-së.Vendimi për ta dërguar Poloninë në Gjykatën Evropiane për drejtësi vjen pasi qeveria nacionaliste e djathtë polake lufton për të siguruar 35.4 miliardë euro në fondet e rimëkëmbjes së Covid të BE-së që janë ngrirë për shkak të shqetësimeve në lidhje me gjykatat e ndikuar nga qeveria. Hapi i fundit ligjor rrit presionin mbi qeverinë polake, e cila përballet me zgjedhjet këtë vjeshtë dhe që po përpiqet të bindë autoritetet e BE-së të lëshojnë miliarda grante dhe kredi.

Çështja ligjore e BE-së është një përgjigje ndaj një vendimi të korrikut 2021 të gjykatës kushtetuese të Polonisë që i shpalli masat  e vendosura si antikushtetuese , shkelje thelbësore e parimit të supremacisë së ligjit të BE-së, të cilin Varshava e nënshkroi kur u bë vend anëtar.

Ekspertët ligjorë e kanë përshkruar vendimin e korrikut 2021 si "Polexit ligjor" që mund të tregojë një hap të parë drejt largimit të Polonisë nga bashkimi, pavarësisht nga sondazhet që tregojnë popullaritetin e BE-së në të gjithë vendin. Komisioni  kërkoi veprime ligjore kundër Polonisë që në dhjetor të vitit 2021, por vetëm tani ka vendosur t'a referojnë në Varshavë.

Duke shpallur vendimin të mërkurën, komisioni tha se gjykata kushtetuese e Polonisë kishte shkelur ligjin e BE-së dhe qeveria nuk kishte arritur të adresonte shqetësimet e saj.

“Çdokush në BE duhet të gëzojë parimet themelore dhe të drejtat e rendit juridik të BE-së, duke përfshirë të drejtën për një gjykatë që është e pavarur sipas ligjit të BE-së”, shkroi në Tëitter komisioneri i drejtësisë i BE-së, Didier Reynders.

F.D/Shqiptarja.com

TAG:
• Polonia
• Gjykata Evropiane
• Komisioni Evropian