Ministrja e Bujqësisë dhe Zhvillimit Rural, Anila Denaj, prezantoi sot (13 Nëntor) para Komisionit Parlamentar të Ekonomisë dhe Financave, projektbuxhetin e vitit 2025 për sektorin e bujqësisë.
Në fjalën e saj, ministrja bëri një përshkrim, ku theksoi se zhvillimi ekonomik në sektorin e bujqësisë është tashmë një fakt dhe trend i pakthyeshëm, duke e demonstruar edhe me anë të shifrave përkatëse.
Denaj u shpreh se ka rritje të sipërfaqes së serave me 70% më shumë, të eksporteve me 2,6 herë dhe dyfishim të sipërfaqes ujitëse të rehabilituara.
Duke iu referuar projektbuxhetit të vitit 2025, shpjegoi se peshën më të madhe në buxhet e zë zëri i investimeve me 20%, infrastruktura e ujitjes dhe kullimit, si dhe mbrojtja nga përmbytjet. Ky zë është rritur me 18% nga viti në vit, edhe pse sipas saj, “mbetet ende një nevojë e domosdoshme për fokus në investime, për shkak të kushteve klimatike dhe terrenit shqiptar”.
Një ndër aspektet kryesore që theksoi ministrja Denaj ishte efektshmëria e Skemës Kombëtare ndër vite, ku fokusin, sipas saj, do e ketë “bashkimi i operatorëve”.
“Problemi i hasur në të gjitha tryezat dhe protestat e fermerëve përgjatë këtij viti ka orientuar nevojën për forcën juridike të transaksionit nëpërmjet asaj që quhet kontratë. Kemi menduar të shkojmë drejt një organizimi edhe më të gjerë se kontrata dypalëshe, në orientim të ndërthurjes së bashkimit të operatorëve si në nivel horizontal – fermerët, ashtu edhe në atë vertikal – grumbulluesit, eksportuesit, hotelierët, që ndryshe quhet ‘Contract Farming’”, tha Denaj.
Ministrja shtoi se “jemi në pritje të një propozimi juridik dhe të ndërthurjes së kësaj skeme, me skemën e subvencioneve nga FAO”.
“Brenda vitit, të dy elementët do të jenë pjesë e analizës për skemën e re, duke synuar që bashkimi i operatorëve, formalizimi i transaksioneve dhe siguria ushqimore të jenë tre kriteret bazë që synon skema, ku përfshirja e fermerëve dhe sektorëve bujqësorë të vijë natyrshëm në funksion të tyre”, tha Denaj.
Në planin e ministrisë për vitin e ardhshëm është edhe zhvillimi ekonomik që ka sot ekonomia bujqësore shqiptare, nxitja e konkurrueshmërisë nëpërmjet fokusit te produktet e tregtueshme dhe me vlerë, cilësinë e produkteve, rritjen e masës ekonomike për të ulur kostot, si dhe nxitjen e mekanizimit dhe inovacionit.
Në lidhje me projektbuxhetin e vitit 2025, Denaj theksoi se ky buxhet parashikohet të arrijë në 15 miliardë lekë, me një rritje prej afërsisht 4% krahasuar me buxhetin e vitit 2024.
“Ky fond i shtuar synon të mbështesë dhe forcojë financimin e politikave kyçe si zhvillimi i qëndrueshëm i bujqësisë, garantimi i sigurisë ushqimore, zhvillimi i qëndrueshëm i sektorit të peshkimit dhe i ekonomisë blu, si dhe përmirësimi i kapaciteteve administrative dhe institucionale, bashkëpunimi i aktorëve, inovacioni dhe digjitalizimi”, u shpreh drejtuesja e dikasterit të Bujqësisë.
Lajme të tjera
-
Buxheti 2025/ Bardhi: Rama ka para që të paguajë inceneratorët që s’ekzistojnë, por jo për pensione dinjitoze! Në 12 vjet nuk bëri asgjë, më të ulëtat në rajon
17 Nëntor, 15:21 -
Buxheti 2025 gati për votim/ Deputetët e pavarur 8 propozime! Agalliu: Më shumë para për ish të përndjekurit, të rritet fondi për pensionistët
15 Nëntor, 18:37 -
Protesta e të martës/ Berisha: Mobilizim brenda dhe jashtë Parlamentit, duam minimumin jetik prej 200 eurosh! Anëtarët e PD më aktivë në rrjetet sociale, takime me Diasporën
15 Nëntor, 15:21 -
Buxheti 2025/ KQZ kërkoi 137 mln lekë për investime, qeveria i dha 1.5 mln! Celibashi: Ende s'ka dakordësi as për votimin elektronik në Tiranë
15 Nëntor, 14:54 -
Projekt-buxheti 2025/ Tabaku në Report Tv: Nuk adreson zgjidhje për pensionet! Kemi propozim për minimumin jetik! Takimet e Ramës me pensionistët, justifikime
15 Nëntor, 14:13 -
Godinë me qira për Gjykatën e Apelit, KLGJ kërkon 30 milionë euro shtesë! PD: Ju kemi llastuar! Kryetari Rusi: S'po bëj kërkesa luksi
15 Nëntor, 12:53 -
Komisioni Ekonomisë ‘pro’ pr/buxhetit 2025! PD voton kundër! Tabaku: Nuk parashikohen fondet për pensionet! Braçe: Të rritet buxheti për sigurinë kibernetike
15 Nëntor, 11:36
-
Pr/buxheti 2025, PL denoncon: Qeveria i jep pjesën e luanit klientëve të saj dhe thërrimet qytetarëve
15 Nëntor, 09:46 -
Buxheti 2025, Teliti në Report Tv: Lë në baltë pensionistët dhe arsimin, ka rënie të investimeve publike! Eksperti i Ekonomisë: Viti më i mirë ekonomik që presim për vendin
13 Nëntor, 19:24 -
Gara për drejtorin e Përgjithshëm të RTSH, debate te ‘Edukimi’! Leka Bungo: Ligji s’na përcakton datë, do hapet shumë shpejt
13 Nëntor, 18:34 -
Kur do të zhbllokohen fondet e IPARD? Përgjigjet ministrja Denaj: Po plotësojmë kërkesat, pas korrikut 2025 do dërgojmë dokumentet për aplikim
13 Nëntor, 16:59 -
Skema e TVSH-së në bujqësi shkakton debate në Komisionin Ekonomisë/ Braçe-Denaj: Ka 6 vjet që bëni studime! Ministrja: Gati ta rishikojmë tatimin
13 Nëntor, 16:33
