Komisioni i Ekonomisë i miratoi sot (28 Janar) vetëm me votat e socialistëve, ndryshimet në ligjin e investimeve strategjike, që shtyn afatin e aplikimeve deri në 31 Dhjetor 2026.
Propozuesja e kësaj nisme, deputetja Pranvera Resulaj, e konsideron si një mundësi për zhvillimin ekonomik të vendit, ndërsa PD e quajti ligj klientelist e grabitqar, pasi favorizonte vetëm klientët afër Qeverisë.
Mazhoranca e cilëson si një synim për tërheqjen e investimeve nga sipërmarrës vendas dhe të huaj.
Ndryshimi i miratuar sot, që pritet të diskutohet dhe miratohet në seancë plenare, parashikon zgjatjen e afatit për paraqitjen e kërkesave nga subjektet investuese që dëshirojnë të përfitojnë lehtësirat e parashikuara nga ligji “Për investimet strategjike”.
Resulaj tha se, “paketa e plotë ligjore u hartua në vitin 2015 si një paketë pilot që do t’i jepte një zgjidhje të mëtejshme projekteve në sektor strategjik të përcaktuar sipas këtij ligji”.
“Nga viti 2016 e deri tani janë trajtuar 117 projekte investimi nga AIDA prej të cilave: 55 kanë përfituar status strategjik, 30 projekte janë refuzuar 29 projekte janë në fazë vlerësimi. Sa i takon projekteve të parashikuara deri në vitin 2030, pritet që ato të arrijnë një vlerë investimi prej 2.7 miliardë euro dhe të sigurojnë çeljen e 24 323 vendeve të reja pune”, tha Resulaj.
Gjithashtu shtoi se ka një interes shumë të lartë të subjekteve për investime, dhe fluksi dhe stoku i investimeve të huaja në vend janë në shifrat më të larta krahasuar me 10-vjeçarin e fundit.
“Qëllimi i ndryshimeve ligjore është tërheqja e investimeve strategjike dhe mbështetja për investitorët vendas dhe të huaj. Kjo përfshin edhe lehtësimin e procedurave për investimet strategjike dhe mundësinë e aplikimit për këtë status në të gjitha sektorët e ekonomisë. Një aspekt i rëndësishëm i ndryshimeve është zgjatja e afatit deri më 31 dhjetor 2026 nga 31 dhjetor 2024 që ishte parashikuar më parë, për paraqitjen e kërkesave nga subjektet investuese që dëshirojnë të përfitojnë nga këto lehtësira”, u shpreh Resulaj.
Deputet e opozitës, shprehën shqetësim se këto ndryshime në ligj për të 6-ën herë, nuk favorizojnë projekte në sektorë strategjike të ekonomisë, por mund të favorizojnë ndërtimin nga njerëz afër qeverisë të objekteve në zona të ndryshme të vendit, bregdet apo së fundi në zonat malore ku toka jepet falas ose me 1 euro.
Drejtuesja e AIDA-s, Laura Saro, theksoi se ndërtimi për banesa nuk përfiton nga lehtësirat që ofron ky ligj, duke sqaruar se investimet strategjike që kanë përfituar nga statusi i investitorëve strategjikë janë të shumta dhe kanë sjellë një impakt të rëndësishëm në ekonomi.
Komente
Lajme të tjera
-
Primaret e Berishës, Poli Hoxha: Nuk ka transparencë! Anri Bala: Meta do futet në listë të sigurtë pa u pyetur askush! Mustafaj: Nuk do jenë fasadë
29 Janar, 18:22 -
Primaret ‘kaotike’ në PD, dorëhiqet edhe kryetari i degës së Vlorës! Hoxha: Nuk ishte vendim i lehtë, por u bë për të ndjekur mundësi të re!
29 Janar, 14:25
-
Berisha: Balluku në krye të krimit elektoral! Dorëzojmë ligjin që njeh vetëm 2 gjini (por në 2019 propozoi martesa brenda së njëjtës gjini)
29 Janar, 13:18 -
Berisha 'harron' drekat me Xhorxh Soros: Kur të vij në pushtet do shpall non grata Aleksin dhe do i mbyll fondacionin
29 Janar, 13:01 -
'Babalja'/ Relatori për çështjen e Ervin Salianjit, PD sulmon sërish Gjykatën e Lartë: Manipuloi procesin, i zhvendosni ligjet sipas dëshirës
28 Janar, 16:04 -
Bardhi takohet me Raportuesin e ri të Parlamentit Europian: I kërkova Schieder vëmëndje për situatën parazgjedhore në Shqipëri, të mos cenohet vota
28 Janar, 15:56 -
'Protesta e PD-së nuk ka lidhje me mosbindjen civile', Kikia: Primaret pa standard, pasi mungon kultura demokratike! Opozita nuk ka një skuadër të gatshme për të qeverisur
28 Janar, 13:53 -
Bardhi akuza mazhorancës: Prej muajsh po destabilizon Gjykatën Kushtetuese me qëllim kapjen! Po vë në diskutim mandatin e disa anëtarëve të saj
28 Janar, 13:32 -
Zgjedhjet e 11 majit/ Komisioni i Ekonomisë miraton fondin 150 mln lekë për partitë, rritet me 20 mln lekë më shumë se në 2021
28 Janar, 13:24 -
Zgjedhjet/ KQZ vendos si do 'ndahen' KZAZ-të! Tom Doshi merr 1 anëtar si pjesë e shumicës, 2 i merr PS, 2 PD dhe 1 PL
28 Janar, 13:12 -
Raporti i FMN, Tabaku: Sistemi i kapur, u shërben oligarkëve dhe të privilegjuarve! Ekonomia po rëndon xhepin e familjeve shqiptare, ja 3 propozimet tona
28 Janar, 12:45 -
Ilir Demalia: Fort i (pa) nderuari Sali Berisha, kam një sfidë publike për ty
27 Janar, 19:09
