POP 5

Lajmet më të lexuara të 5 minutave të fundit

Politikë

KQZ i dërgon kërkesë Prokurorisë së Përgjithshme për verifikim të thelluar për kryebashkiakun e Divjakës

Komisioni Qendror i Zgjedhjeve i ka dërguar sot Prokurorisë së Përgjithshme verifikim të thelluar të së shkuarës së Kryetarit të Bashkisë së Divjakës, Fredi Kokoneshi.

KQZ i dërgon kërkesë Prokurorisë së Përgjithshme për verifikim të thelluar për kryebashkiakun e Divjakës

Kryebashkiaku i Divjakës, Fredi Kokoneshi dhe kërkesa e KQZ

Komisioni Qendror i Zgjedhjeve i ka dërguar sot Prokurorisë së Përgjithshme verifikim të thelluar të së shkuarës së Kryetarit të Bashkisë së Divjakës, Fredi Kokoneshi.

Kërkesa është shoqëruar edhe më dokumentacionin e posaçëm. Kryetari i Bashkisë Divajkë dyshohet se ka qenë i përfshirë në veprimtari kriminale të trafikimit të qenieve njerëzore gjatë periudhës ku ka qëndruar në Itali.

Kjo është kërkesa e dytë që i drejtohet Prokurorit të Përgjithshëm. Më herët ishte një grup deputetësh të PD, që bazuar në një deklaratë publike të ish-kryetarit të PS në Divjakë, kërkuan të hetohej për kryebashkiakun e Divjakës.

Kërkesa e dërguar nga KQZ

Report Tv solli dokumentet, të cilat konfirmojnë se Fredi Kokoneshi është verifikuar një herë nga Prokuroria e Përgjithshme në vitin 2019, duke arritur në konkluzionin se Fredi Kokoneshi nuk është subjekt i ligjit të dekriminalizimit, nuk ndodhet në kushtet e ndalimit për t’u zgjedhur, as nuk është hetuar dhe as nuk është dënuar ndonjëherë për ndonjë vepër penale, aq në Shqipëri dhe as në Itali.

Hetimi i Fredi Kokoneshit është kryer nga prokurori Arben Kraja, sot kryetar i SPAK-ut. Me vendim të datës 15 korrik 2019, Kraja hedh poshtë të gjitha pretendimet e PD-së për kryetarin e Bashkisë Divjakë Fredi Kokoneshi, i cili rezulton i verifikuar një herë, duke e bërë nul kërkesën e PD-së.

Në vendimin e Krajës, thuhet se Kokoneshi nuk është në kërkim ndërkombëtar, nuk rezulton i përfshirë në aktivitet kriminal jashtë Shqipërisë, nuk i njohur për aktivitet të paligjshëm në Itali, gjurmët e tij të gishtave nuk ndodhen në databazën e Institutit të Policisë Shkencore Italiane, dhe se nuk është hetuar dhe arrestuar ndonjëherë për kryerjen e ndonjë vepre penale.

Ndërkaq, kryebashkiaku socialist ka reaguar pas kërkesës së PD-së. Ai ka ka akuzuar deputetin Gazment Bardhi se po e shantazhin, pasi po i verifikohet prona e një resorti në Divjakë, ku sipas Kokoneshit, është strehë për demokratin.

“Akuza të përsëritura. Të njëjta me të vitit 2018. Ka një vendim të prokurorisë 15 korrik 2019 ku figura ime është e pastër, pas kontrolleve brenda dhe jashtë shtetit. Akuzat për shkak të një anëtari të këshillit kombëtar të PD, Dritan Stërkaj. Resorti i tij Divjaka resort strehë e Gazmend Bardhit. Ashtu si i kam kallëzuar në prokurori, do t’i kallëzoj sërish! Gaz Bardhi do të më shantazhojnë, sepse po verifikoj pronat e Divjaka resort”, tha kryebashkiaku.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31