TIRANË- Zbulohen detaje të reja rreth skandalit të faturimit të 94 fermerëve të duhanit në Korçë, sikur kanë shitur krom, si dhe hapjes së një rrjeti kompanive fantazmë në emrin e biznesmenit Gazmir Sardi, pa dijeninë e këtij të fundit, me qëllim pastrim parash, abuzim me rimbursimin e TVSH dhe aktivitete të tjera të paligjshme. Në dosjen që qëndron në Prokurorinë e Durrësit, rezulton edhe emri i kompanisë “Tur-Alb-Krom”, një subjekt që ushtron aktivitet minerar në Zonën D në Bulqizë dhe që ka qenë objekt masash ndëshkuese nga Ministria e Energjisë për shkak të mangësive dhe shkeljeve gjatë aktivitetit minerar.
Kompania “Tur-Alb-Krom”, me objekt shfrytëzimin e vendburimeve të mineraleve, është themeluar në qershor të vitit 2008, nga shtetasi turk Fethi Kaya. Kapitali fillestar ishte 100 mijë lekë, por befas, kapitali, në 2013, u rrit në rreth 1.6 milionë USD, ndonëse gjatë kësaj periudhe, referuar historikut të kompanisë, nuk kemi bilance dhe shtim asetesh, por vetëm shtim vendndodhjesh. Në një rast, si vendndodhje e kompanisë në Bulqizë, shënohet një rimorkio me targë DR 7159 D. Aktualisht kapitali i kompanisë është 4.5 milionë USD.
Po si figuron kompania e turkut Fethi Kaya në dosjen që biznesmeni i dëmtuar Gazmir Sardi ka referuar në prokurori?
Biznesmeni i mbledhjes dhe përpunimit të duhanit Gazmir Sardi, në kallëzimin që ka referuar në vitin 2015 në Prokurorinë e Durrësit, pretendon se i kishte besuar aktivitetin e kompanisë “SARDI” shpk, me nipt: J91321501L, ekonomistit Xhevdet Hysenit (personi në foto). Sipas tij,
Xhevdet Hyseni mbante vulën e kompanisë, përpilonte bilancet vjetore dhe kryente veprime në tatime në mirëbesim. Gazmir Sardi pretendon në prokurori se Xhevdet Hyseni ka kryer prapa krahëve dhe duke keqpërdorur besimin tij, një aktiviteti të gjatë abuziv, me kosto miliona euro, si hapje degësh fiktive, vlerësime dhe zhvlerësime abuzive, evazion fiskal, pastrim parash, faturime fiktive etj. Këto veprime, sipas kallëzimit, janë kryer gjatë 2005-2010.
Pjesë e këtij aktiviteti janë edhe faturat për 94 fermerët e Korçës sikur kanë shitur krom në vend të duhanit. Gazmir Sardi dyshon për një bashkëpunim mes pronarit të kompanisë së kromit Fethi Kaya dhe Xhevdet Hysenit, duke u faturuar kromin fermerëve të duhanit, në mënyrë të paligjshme dhe për qëllime fitime me rimbursimin e TVSH.
Sipas dosjes, Gazmir Sardi thotë se i ‘besuari i tij’ si ekonomist Xhevdet Hyseni, fillimisht, ka hapur në Kavajë një dyqan të tregtimit të cigareve dhe më pas një dyqan fantazme, duke e kthyer në magazine doganore. Gazmir Sardi pretendon se nga kjo magazinë, Xhevdet Hyseni ka bërë hyrje të sasive të ndryshme kromi, veprime, sipas tij, të kryera në shkelje të detyrës që kryente.
Nga ana tjetër, Xhevdet Hyseni ka ushtruar edhe detyrën e zv /drejtorit dhe Drejtorit ekonomik të Portit Detar Durrës. Nga ana tjetër, biznesmeni i kromit Fethi Kaya ka deklaruar si adresë edhe një shesh për grumbullimin e kromit në portin e Durrësit.
Prokuroria e Durrësit ka tentuar të mbyllë dosjen, pavarësisht faktit që fermerëve u është faturuar krom dhe në emrin e Gazmir Sardit është kryer një sagë veprimesh abuzive dhe me pasoja të rënda. Por, kërkesa e prokurorisë për mbylljen e dosjes, është rrëzuar nga Gjykata e Durrësit me vendim në 68/659, në 16 qershor 2020.
Përpos të tjerave, në detyrat që gjykata i lë për zbatim prokurorisë, është edhe “Në hetim duhet të pyeten dhe shtetasit Agim Demrozi, ish ortak me personin që ka bërë kallëzimin penal Gazmir Sardi si dhe shtetasi Xhevdet Balla administrator i subjektit “Orxhepa”, e administratori i subjektit “Tur-Alb-Krom” sh.p.k, me qëllim sqarimin e të gjithë pretendimeve të ankuesit Gazmir Sardi. Në varësi të veprimeve hetimore të mësipërme, Prokuroria mund të zgjerojë hetimet me veprime të tjera hetimore për të vendosur për mënyrën e përfundimit të çështjes penale të mësipërme”.
Gjykata ka kërkuar nga prokuroria që këto veprime hetimore t’i realizojë brenda gjashtë muajsh.
Historia
Në 9 nëntor të vitit 2015, në Prokurorinë e Durrësit regjistrohet një kallëzim penal i biznesmenit të mbledhjes dhe përpunimit të duhanit Gazmir Sardi kundër Xhevdet Hysenit, i cili më parë kishte ekonomist në kompaninë e Sardit “SARDI” shpk, me nipt: J91321501L. Gazmir Sardi pretendon në prokurori se Xhevdet Hyseni mbante vulën e kompanisë, përpilonte bilancet vjetore dhe kryente veprime në tatime në mirëbesim. Sardi pretendon se Xhevdet Hyseni ka kryer prapa krahëve dhe duke keqpërdorur besimin tij, një aktiviteti të gjatë abuziv, me kosto miliona euro, si hapje degësh fiktive, vlerësime dhe zhvlerësime abuzive, evazion fiskal, pastrim parash, faturime fiktive etj.
Gazmir Sardi është alarmuar dhe ka kuptuar gjithçka vetëm kur në derën e tij kanë trokitur tatimet me një faturë gjobe falimentuese.
Sipas dosjes, Gazmir Sardi ka nisur aktivitetin e biznesit të grumbullimit dhe tregimit të dunat në vitin 1993 në Korçë. Në vitin 1997, këtë aktivitet e ka zhvendosur në Durrës, ku është njohur me Xhevdet Hysenin, i cili në atë kohë mbante detyrën e shefit të financës në ish Fabrikën e Cigareve Durrës. Me kalimin e kohës, Gazmir Sardi thotë se i ka besuar Hysenin veprimet procedurale në emrin e kompanisë në raport me tatimet, bilancet, faturat etj.
Gazmir Sardi pretendon në prokurori se gjatë periudhës 2005-2010, Xhevdet Hyseni ka kryer aktivitet të paligjshëm në emrin e kompanisë, duke dëmtuar rëndë interesat e tij dhe të shtetit. Gjatë kësaj kohe, Xhevdet Hyseni ushtronte edhe detyrën e zv /drejtorit dhe Drejtorit ekonomik të Portit Detar Durrës.
Komente
Lajme të tjera
-
VIDEOLAJM/ Erërat dhe stuhitë prishin çatinë e Pallatit të Kulturës në Bulqizë
22 Nëntor, 16:24 -
Moti i keq/ Disa fshatra në Bulqizë pa energji elektrike! Në rrugën e Arbrit në fshatin Kajmak rrëshqitje gurësh
21 Nëntor, 08:59 -
Buxheti do rishikohet për herë tretë në dhjetor, Ministria e Bujqësisë kërkon 2 mld lekë për të likuiduar fermerët që kanë aplikuar për Skemën Kombëtare
13 Nëntor, 16:04
-
Bulqizë/ 50 vjeçari u aksidentua gjatë punës në galerinë e minerës, nisin hetimet për administratorin e firmës
11 Nëntor, 12:50 -
Bulqizë/ Shoferi humbet kontrollin e mjetit, makina bie në lumë (VIDEO)
10 Nëntor, 14:25 -
Aksident në Bulqizë, makina përplas motorin! Plagoset rëndë një person
31 Tetor, 14:11 -
Edison Ypi: Lacrimosa
29 Tetor, 11:26
-
Shtrëngim për dhënie pasurie dhe ndihmë të paligjshëm të kufijve, ekstradohen dy persona! I riu nga Bulqiza do vuajë dënimin e mbetur me 2 vite burg
26 Tetor, 09:57 -
Bulqizë/ Arrestohet 33 vjeçari, nuk iu bind urdhrit të policisë! Gjatë kontrollit iu gjet sasi lënde narkotike
25 Tetor, 08:44 -
Një ditë transformimesh! Njihuni me Samiun, të riun nga Bulqiza që ushtron zanatin më të veçantë
26 Shtator, 09:36
-
Lefter Alla lirohet nga qelia, ish-kryebashkiaku i Bulqizës përfundoi dënimin
22 Shtator, 10:50 -
E trishtë në Fier! Misri derdhet në rrugë se nuk ka treg, fermerja: Tallen me ne maskarenjtë!
8 Shtator, 13:06
Ky eshte Eknomisiti i bandes se vjeter se portit te Durrsit qe ne kohen e Olldashit. Ndreu-Borshi-Çopja qe kan bo nomin, duke e nga copa copa te firma te ndryshme qe akoma kontrollohen po nga vete keto. Kushedi sa Miliona Euro kane qarkulluar dhe kan kto Mostra famkeq.
Përgjigju