POP 5

Lajmet më të lexuara të 5 minutave të fundit

Kronikë

Kompleksi ''Jon'', gjoba prej 22
milionë lekë, firma s'e pagoi kurrë

“GB-A Konstruksion”, kompania që ndërtoi kompleksion “Jon” në zonën e Ujit të Ftohtë në Vlorë nuk ka paguar asnjëherë gjobën 22 milion lekëshe të vendosur nga INUK.
Kompleksi ''Jon'', gjoba prej 22<br />milionë lekë, firma s'e pagoi kurrë
VLORE- “GB-A Konstruksion”, kompania që ndërtoi kompleksion “Jon” në zonën e Ujit të Ftohtë në Vlorë nuk ka paguar asnjëherë gjobën 22 milion lekëshe të vendosur nga INUK. Shkak i mos pagesës janë bërë fitimi i procesve gjyqësore në dy nivele, ku ka kundërshtuar gjobitjen e vendosur nga Gjergji Bojaxhi.

Gjoba prej 22 milion lekë të vjetra që i është vendosur nga ish-kreu i INUK Gjergji Bojaxhi kompanisë “GB-A Konstruksion” për punimet e pa disiplinuara në pallatin e vjehrrit të Lulzim Bashës, nuk është paguar asnjëherë.

Gjoba s’ka mundur të ekzekutohet pasi kompania në fjalë, nëpërmjet avokates së saj Erinda Ballanca, ka marrë masa të menjëhershme juridike duke e kundërshtuar vendimin e gjobitjes në Gjykatën e Tiranës.

Padia e përpiluar nga avokatja Ballanca, është pranuar nga ish-kryetari i Gjykatës së Tiranës Artan Zeneli, ndërkohë që ky vendim është lënë në fuqi dhe nga gjykata e Apelit në Tiranë, duke rrëzuar kështu përfundimisht ekzekutimin e gjobës prej 22 milion lekë të vjetra nga ana e drejtuesve të Inspektoriatit Ndërtimor Urbanistik Kombëtar.

Sipas vendimeve të dy gjykatave, INUK në vendosjen e gjobës financiare ka shkelur kopetencat e institucioneve të tjera, pasi në rastin konkret nuk ka pasur asnjë kontroll apo gjobë nga ana e Inspektoriatit Ndërtimor të Bashkisë së Vlorës, që drejtohet nga kryebashkiaku Shpëtim Gjika.

Inxhinieri nuk firmosi
Në vendimin e gjykatës që Shqiptarja.com e disponin thuhet se:”Nga kontrolli i ushtruar në objekt në prani të inxhinierit të objektit, rezultoi se mungonte tabela e identifikimit të objektit si dhe masat e sigurimit teknik, kundravajtje të parashikuara nga ligji për  “Urbanistikën".

Për këto arsye nga inspektorët është mbajtur procesverbali i konstatimit në 10 nëntor 2010 i cili në kushtet kur inxhinieri nuk ka pranuar të nënshkruaj është lënë në objekt”. Më tej shtohet se parregullsitë e cituara janë konstatuar në vend, në këto kushte, brenda afateve ligjore është mbajtur vendimi për pezullim punimesh dhe njëherësh për dënim me gjobë ndaj subjektin “GB-A Konstruksion” në masën e 22 milion lekëve të vjetra.

Gjatë seancës gjyqësore INUK ka pretenduar se zona ku po ndërtojnë pronarët e truallit Xhuvi Sharxhi dhe Xhafer Isufi është zonë turistike dhe në këtë objekt nuk është ushtruar kontroll nga INU pranë Bashkisë Vlorë.

Argumenti i gjykatës
Sipas vendimit të gjykatës së Tiranës, shkelja e vetme ligjore që INUK që në atë periudhë drejtohej nga Gjrgji Bojaxhi, është se në momentin e vendosjes së gjobës, nuk ka pyetur nëse ishte kryer një kontroll nga inspektoriati i bashkisë së Vlorës.

Në rastin konkret sipas, gjykatës INUK ka marrë kopetencat e INU në bashkinë e Vlorës. Ndërkohë që gjithmonë sipas vendimit të gjykatës, inspektorët e INUK duhet të lajmëronin inspektorët e bashkisë së Vlorë, dhe më pas të vendosnin gjobën ndaj subjektit.


faksimile, pallati i bashes
 
Shkrimi u publikua sot (13.11.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58