Protestat e dhunshme nuk janë ndonjë histori e re, as për Shqipërinë, as për botën. As shkatërrimet që ndodhin prej tyre.Por për Partinë Demokratike dhe historinë e saj, ka një element që i bashkon në kohë dhe në mentalitet, sjelljen ndaj tyre.Dhe ajo ka të bëjë me faktin që krimet të cilat ndodhin gjatë protestave, t’ua hedhin viktimave.Krimet më të rënda që kanë ndodhur gjatë protestave në Shqipëri, janë ato të vrasjeve të 21 janarit.
Ndërsa Voltana Ademi lavdërohej dje në mbrëmje pse kishte djegur Shkodrën dhe pse e kishte fajin policia për këtë, po shikoja një kronikë të Report TV dje që kishte bërë një përmbledhje të kësaj historie.https://shqiptarja.com/lajm/vrasja-e-klodjan-rashes-dhe-si-manipuloi-berisha-masakren-ndaj-4-protestuesve-me-21-janarNë fakt Voltana në mënyrë instiktive po bënte atë që PD e ka filozofi të saj, duke akuzuar socialistët se ata gjithmonë janë përgjegjës, edhe kur vriten edhe kur nuk vrasin.
Instikti i vrasësit i tha Sali Berishës më 21 Janar, në orën 19. 30 të mbrëmjes, që duhet të akuzonte Edi Ramën si vrasës. Shpiku një plak me çadër, shkoi montoi filmin me xhiro të ngadalta, nxori dy mjekë që “provuan” se ishte gjuajtur me pistoleta nga afër, pastaj shpiku çadra pistoletë dhe thika me helm dhe e caktoi që vrasjet i kishin bërë vetë socialistët.Vonë në mesnatë, kur “News 24” nxori pamjet e vrasësve “Live”, ndryshoi version dhe kaloi tek grushti i shtetit.Edhe Voltana dje nuk bëri ndonjë gjë më shumë. U nis e para në krye të turmave, theu tabela e semaforë, pastaj dogji dhe selinë e Partisë Socialiste dhe në mbrëmje akuzoi socialistët se e kishin djegur vetë.
Pra në logjikën e saj, njësoj si në logjikën e Saliut, socialistët dhe më 21 janar 2011 janë vetëvrarë, edhe tani kanë vetëdjegur selitë e tyre.
Ky instikt për t’ia hedhur fajin viktimës, është instikt bazik i çdo krimineli. Të gjithë ata që vrasin me gjakftohtësi, e kanë një version se si faji është i viktimës.
Por është çështje fantazie. Fantazia e Berishës dhe e Voltanës deri këtu shkon, që edhe kur ti i shikon dhe filmon duke vrarë dhe duke djegur, ata të të thonë që e bëre ti.
Berisha u detyrua më 21 janar të ndryshonte qëndrim dhe të shpikte një gënjeshtër tjetër, pasi doli bllof me atë të vetvrasjes nga socialistët. Edhe Voltana sot filloi të pranojë se ishte në krye të protestës se është kryebashkiake(!!), por nuk ka gisht në diegie.
Njësoj në Tiranë, gjithë figurat qesharake të PD, që nga Bujar Nishani e deri tek Edi Paloka, po arsyetojnë se këta adoleshentët nuk janë të tyre, pasi ata janë të mërzitur me regjimin 7 vjeçar të Edi Ramës, pasi deri sa ishin 8 vjeç janë rritur me shpresë nga Sali Berisha, pastaj erdhën këta socialistët dhe u zhgënjyen thellë.
Për ta bërë dhe më makabre këtë filozofi, sot PD dhe LSI kanë filluar të akuzojnë dhe familjen e të ndjerit Klodian Rasha si të shitur. Kanë mbushur rrjetet sociale dhe kanë bërë deklarata publike, tifozat e Ilir Metës, tek “Sport Klub Tirana”, duke akuzuar familjen e viktimës, pse kërkon që të mos digjet Tirana dhe Shqipëria për djalin e tij.
Tani ngelet dhe pika e fundit të akuzojnë dhe familjen se mund ta ketë nxjerrë vetë djalin të vritet me policë.
Ky makabritet është filozofi e PD. Ata e duan vdekjen si diçka që u shërben atyre politikisht. Nëse nuk është kështu janë gati ta poshtërojnë dhe të vdekurin. Siç përplasën arkivolin e Azem Hajdarit në derë të kryeministrisë.
Pasi ndodh krimi PD distancohet dhe thotë nuk kemi punë me protestat.
Sipas PD, asnjë drejtues i saj nuk është në krye të protestave.
Gratë e PD thonë nuk dalim në protesta se ka dhunë.
Idiotët e PD mbrohen se në rrugë ka adoleshntë të mitur.
Por Voltana nuk është, as adoleshente, dhe nuk dimë që të jetë përjashtuar nga PD. Madje dhe grua mund të quhet. S’di pse kujton që Shkodra është më idiote se ajo!
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
VIDEOLAJM/ ‘Ik, zhduku’, kush i provokoi nga brenda Ministrisë së Arsimit qytetarët që po protestonin për vrasjen e Martin Canit
21 Nëntor, 16:36 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Kuvendi debat për vrasjen e 14-vjeçarit, Zhupa: Manastirliu të dorëhiqet, ku e çuat 'Paketën e Sigurisë' në shkolla? Balla: Mos bëni politikë, na jepni votat ta miratojmë! PD 1 minutë heshtje pa PS
19 Nëntor, 07:25 -
Reagon mjekja zëvendësuese për protestën e banorëve: Jam në punë, mbuloj tre fshatra të Lezhës
18 Nëntor, 16:49 -
Mjekja me leje lindje, protestojnë banorët e Spitenit në Lezhë: S’marrim shërbim shëndetësor
18 Nëntor, 16:39
-
Fier/ Punëtorët e pastrimit në protestë: Me 40 mijë lek/muaj, nuk mbajmë dot familjet me bukë! Subashi: Pagat i cakton Qeveria, s'ka rritje
18 Nëntor, 16:16
-
Anijet me mbetje nga Tajlanda në Porto Romano, banorët protestë kërkojnë të largohen: Pse i sollën te ne?
17 Nëntor, 15:12
-
Mero Baze: Përse Berisha është i tërbuar me opozitarët e rinj
17 Nëntor, 07:07
-
Lufta në Gaza dhe Liban/ Protesta në Paris për mbrëmjen gala pro-izraelite, e promovuar nga e djathta ekstreme! Do mblidhen fonde për ushtrinë e Tel Avivit
14 Nëntor, 09:19 -
Mero Baze: Në pritje të autokritikës së pronarëve të televizioneve për Berishën
13 Nëntor, 21:48
