POP 5

Lajmet më të lexuara të 5 minutave të fundit

Sociale

Komuniteti LGBT për punësimin:
Diskriminohemi, s’merremi në punë

Komuniteti LGBT shpreh shqetësimin se anëtarët e tij nuk pranohen në punë dhe diskriminohen vetëm për shkak të orientimit seksual. Kompania Heand Hunter publikoi rezultatet e një studimi në këtë drejtim, ku tha se pjesë e diskriminimit janë edhe instancat shtetërore. Vetëm 7 nga 109 kompani të shqyrtuara ishin të hapura ndaj këtij komuniteti për tu dhënë një punë.  VIDEO
Komuniteti LGBT për punësimin:<br />Diskriminohemi, s’merremi në punë
Punësimi i personave ndryshe të komunitetit LGBT, ngelet një problem serioz për shoqërinë tonë. Jo vetëm bizneset private, por edhe institucionet shtetërore nuk janë të hapur për tu dhënë një vend pune anëtarëve të këtij komuniteti.

“Kemi 58 persona nga komuniteti të punësuar, të deklaruar. E gjitha kjo vjen përmes kompanisë tonë dhe bashkëpunëtorëve tani. Katër institucioneve që morën pjesë nuk ishin më mirë se biznesi privat”, tha Elton Ilirjani, Drejtues i The Headhunter.

Kompania Headhunter prezantoi rezultatin e një kërkimi në këtë drejtim, ku nga 109 kompani të shqyrtuara, vetëm 7 prej tyre kishin rezultuar pozitiv ndaj komunitetit LGBT. Drejtuesi i kësaj kompanie tha se sjelljet e punëdhënësve janë aspak të pranueshme.

“Situata është e rëndë, kemi vërejtur komunikime deri kafshërore, kafshët janë shumë të mira. Persona LGBT i japin ngjyrë Shqipërisë dhe unë jam betuar që së pari jam biznesmen por sërish së pari do të jem krah komunitetit, ta ndihmojë ata dhe të heqim pak pluhurin e injorancës që e ka mbushur dhe që vazhdon të shtohet edhe me rininë shqiptare”, u shpreh Ilirjani.

Xheni Karaj, Drejtoreshë e Aleancës LGBT tha se problemi i punësimit të anëtarëve të këtij komuniteti fillon nga ndërprerja e arsimimit për shkak të diskriminimit në shkollë dhe vijon tek instancat shtetërore.

“Diskriminimi fillon që në procesin e intervistimit. Vetë institucionet shtetërore që duhet të lehtësojnë këtë proces punësimi kanë patur ata të parët një qëndrim diskriminues ndaj personave të komunitetit”, tha Xheni Karaj, Drejtore e Alliance LGBT.

Por në këtë klimë përjashtimi dhe mos pranimi të anëtarëve të këtij komuniteti, disa kompani private, kryesisht me profil ndërkombëtar kanë dëshmuar të kundërtën, duke marrë në punë shumë anëtarë të komunitetit LGBT.

Për këtë arsye, 7 kompani me rezultate të mira në këtë drejtim dhe 3 të tjera që kanë bërë përpjekje të dukshme do të marrin në 5 shtator, në një ceremoni gala në Pallatin e Brigadave, çmime nga ky komunitet. 

Ky studim dhe ky aktivitet u realizua nga The Headhunter dhe u mbështet nga Vodafone Albania.

Redaksia Online
D.T/Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

U kap në 'shtëpi bari', shqiptari dënohet me 3 vjet burg në Angli (EMRI)

U kap në 'shtëpi bari', shqiptari dënohet me 3 vjet burg në Angli (EMRI)

26 Dhjetor, 19:01