Koncesionet, Vasili letër Ruçit: Nisma e LSI, qëllimisht e bllokuar, ndërhyni

TIRANE-Sot kryetari i komisionit parlamentar të Ekonomisë dhe Financave, Erion Braçe paralajmëroi ndryshimin e ligjit për koncesionet në muajin shtator. Por pas deklaratave të tij, ka reaguar kryetari i grupit të LSI, Petrit Vasili, i cili i ka dërguar një letër kryetarit të Kuvendit, Gramoz Ruçi duke i rikujtuar nismën e forcës politike ku ai bën pjesë për kocensionet. LSI ka depozituar një nisëm ligjore në Kuvend në 2016, ku kërkon që çdo koncesion mbi 4 vjet të kalojë në parlament, ndërsa duhet të japë miratimin Ministria e Financave, e Ekonomisë dhe Avokatura e Shtetit.

Lëvizja Socialiste për Integrim kërkon në nismën ligjore që koncesionet të mos kalojë nga qeveria, por nga Kuvendi. Vasili shprehet se Komisionet Parlamentare përgjegjëse nuk e kanë marrë në shqyrtimin nismën e LSI për koncensionet, prandaj kërkon ndërhyrjen e Ruçit. Numri dy i LSI shprehet se, shqyrtimi i projektligjit të Lëvizjes Socialiste për Integrim është zvarritur në mënyrë arbitrare, ndërsa evidenton faktin që janë dy komisione përgjegjëse për ta shqyrtuar dhe votuar, Komisioni i Veprimtarive Prodhuese dhe Komisioni i Ekonomisë dhe të Financave.  

‘Këto komisione në shkelje flagrante të ligjit kanë bllokuar totalisht shqyrtimin e nismës, pavarësisht se ka qenë vazhdimisht e miratuar në programin e Kuvendit dhe kalendarin e punimeve. Kjo është përgjegjësia juaj e drejtpërdrejtë’ thotë Vasili.  Kryetari i komisionit parlamentar të Ekonomisë dhe Financave, Erion Braçe deklaroi sot se në ligjin e ri për koncesionet duhet të parashikohet heqjen e “ofertave të pakërkuara”.


Letra e Vasilit per Rucin per koncesionet

LEXO EDHE:
FOTOT/ Nga politikanët, diplomatët, artistët te mjekët e policët, kush mori pjesë në darkën e iftarit të shtruar nga Rama! Nuk mungon Gramoz Ruçi

TAG:
• gramoz ruçi
• Petrit Vasili
• koncesionet

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.2%

• Jo

  72.1%

• Nuk e di

  8.7%

Vota total: 2770

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di