POP 5

Lajmet më të lexuara të 5 minutave të fundit

Politikë

Konferenca e Kryetarëve vendos! Të gjithë deputetët në sallë, seancë plenare deri në 30 prill

Konferenca e Kryetarëve  miratoi ndryshimet në Rregulloren e Kuvendit, programin e punës dhe kalendarin  e punimeve të Kuvendit për periudhën 30 mars - 17 prill  2020 dhe vendosi thirrjen e seancës plenare në 16 prill.

TIRANË- Konferenca e Kryetarëve  miratoi ndryshimet në Rregulloren e Kuvendit, programin e punës dhe kalendarin  e punimeve të Kuvendit për periudhën 30 mars - 17 prill  2020 dhe vendosi thirrjen e seancës plenare në 16 prill.

Nën drejtimin e Kryetarit të Kuvendit Gramoz Ruçi, sot u zhvillua online Konferenca e Kryetarëve dhe u ra dakord që seancat do të zhvillohen me pjesëmarrjen dhe prezencën në sallë të të gjithë deputetëve, me numër dhe kohë të kufizuar diskutimesh, dhe për zbatuar standardin e distancimit social, për uljen e deputetëve do të shfrytëzohen edhe mjediset e tjera të sallës së seancave plenare. Seancat do të jenë të mbyllura për publikun dhe do të sigurojnë akses për RTSh, i cili do të transmetojë live dhe do t’u mundësojë sinjalin edhe mediave të tjera.

Në këtë konferencë u morën disa vendime për ndryshimet në rregulloren e Kuvendit, caktimin e datës 16 për seancën plenare, por edhe të mënyrës se si do të zhvillohet seanca për t’ju përshtatur dhe respektuar masat e marra për distancimin.

Konferenca miratoi me konsensus plotësimet në Rregulloren e Kuvendit, për rregullimin e funksionimit te veprimtarisë parlamentare në kushtet e gjendjes së jashtëzakonshme dhe të pandemisë. Gjithashtu u miratua  kalendarin  e punimeve të Kuvendit për periudhën 30 mars - 17 prill  2020, të cilët parashikojnë zhvillimin e seancave plenare në datat 16, 23 dhe 30 prill.

Ndërkohë, lidhur me këtë axhendë, Report Tv mëson se opozita parlamentare ka pasur kundërshtime pasi sipas tyre është shumë e ngjeshur në kushtet kur vendi jonë ndodhet në situatë të jashtëzakonshme.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03