POP 5

Lajmet më të lexuara të 5 minutave të fundit

Ekonomi

Konflikti nga Berisha, Ministria: 
Negociatat me CEZ-in, vijojnë

Qeveria shqiptare nuk i ka ndërprerë negociatat me kompaninë energjetikë CEZ Group të Republikës Çeke. Konfirmimin e bëjnë për Shqiptarja.com burime zyrtare pranë ministrit të Energjisë dhe Industrisë, Damian Gjiknuri. Në janar 2013, qeveria i hoqi licencën, ndërsa pala çeke kërkon ose kthimin e saj ose dëmshpërblim 200 mln euro....ose zgjidhja në Arbitrazhin ndërkombëtar.Bllokimi i statusit për shkak të CEZ Çekia zyrtare: Nuk është e vërtetë
TIRANE- Qeveria shqiptare nuk i ka ndërprerë negociatat me kompaninë energjetikë CEZ Group të Republikës Çeke. Konfirmimin e bëjnë për Shqiptarja.com burime zyrtare pranë ministrit të Energjisë dhe Industrisë, Damian Gjiknuri. Të pyetur në se diskutimet për çështjet, që kanë mbetur pa zgjidhur që nga periudha e qeverisjes së kaluar, janë ndërprerë, zyrtarë të lartë të Ministrisë deklaruan se specialistë të këtij dikasteri, por edhe të CEZ Shpërndarje, ERE, e përfaqësues të tjerë të shtetit shqiptar janë ende në diskutime e sipër me palën çeke. “Negociatat vazhdojnë”, deklaruan ata në një komunikim telefonik.

Ndikimi i kompanisë CEZ në politikën e Pragës zyrtare është i konsiderueshëm. Ajo ka pushtet të ngjashëm me monopolet gjigante energjetikë të tilla si ENI në Itali, etj. Në këto kushte, anulimi i licensës për tregtim dhe shpërndarje të energjisë elektrike me pakicë, pasi iu krijua, edhe për faj të qeverisë Berisha, një “gropë” e madhe financiare, kryesisht nga institucione shtetërore, do të ushtronte ndikim edhe në marrëdhëniet e qeverisë çeke me Shqipërinë.

Duke mbajtur parasysh këtë peshë, ish-kryeministri Berisha, në tetor të vitit 2008, kur po kërkonte për herë të parë statusin kandidat në BE, qeveria shqiptare miratoi vendimin për shitjen e 76% të aksioneve të sistemit të shpërndarjes së energjisë elektrike tek kompania çeke, CEZ Group. Por, privatizimi më vonë do të shndërrohej në një nga dështimet më të mëdha strategjike të vendit. Kontrata hyri zyrtarisht në fuqi 6 muaj më pas. Në 23 prill të vitit 2009, parlamenti miratoi marrëveshjen, e cila i kalonte monopolin e shpërndarjes së energjisë kompanisë çeke CEZ. Kur kishin kaluar vetëm 5 ditë nga ky akt, ish-kryeministri Sali Berisha mbërriti në pallatin qeveritar të Pragës për t’i dorëzuar homologut të tij çek, Mirek Topolanek, kërkesën e Shqipërisë për kandidim në BE.

Dy-tre vjet më pas, nisën konfliktet midis dy palëve. Privatët vijonin të vidhnin energji dhe policia nuk pranonte të ushtronte rolin e saj në zona të gjera debitore. Konflikti arriti kulmin në vitin 2012 kur kompania ndërpreu energjinë e ujësjellësave – debitorë gjigandë - në disa qytete, çka çoi edhe në protesta. Kështu, në janar të vitit të kaluar, duke ndikuar mbi Entin “e pavarur” Rregullator të Energjisë, qeveria i hoqi licensën, duke e shpronësuar faktikisht CEZ-in.

Prej janarit të vitit 2013 gjithçka mbeti në heshtje dhe Shqipëria rrezikonte të përballej në Gjykatat e Arbitrazhit ndërkombëtar, në Paris apo Romë, ndërkohë që qeveria e re nisi menjëherë negociatat për të gjetur një zgjidhje mirëkuptimi. Por CEZ kërkon një shifër shumë të lartë, 200 milionë euro.

Situatën e komplikoi edhe një mospagesë për një kompani të huaj private që qeveria e mëparshme pajtoi për auditim.
Ndërkohë, duket se shanset për të gjetur një zgjidhje ende nuk kanë marrë fund. Pritet të mësohet në se zgjidhja do te jetë një pagesë e kripur dëmshpërblimi nga ana e Shqipërisë, apo CEZ Group do të pranonte të rikthehej në treg, por me kushtin e padiskutueshëm që të mos trajtohej më si më parë. 

Shkrimi u botua në Shqiptarja.com (print) në 11 qershor 2014

Redaksia Online
(d.a/shqiptarja.com)  
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëveshja Hamas-Izrael, ekip i përbashkët Katar-Egjipt-SHBA për monitorimin e armëpushimit

Marrëveshja Hamas-Izrael, ekip i përbashkët Katar-Egjipt-SHBA për monitorimin e armëpushimit

15 Janar, 20:46