Kongresmeni i njohur Amerikan Z. Rohrabacher në shoqërimin e z. Paul Behrends, Drejtor i Stafit të Nënkomitetit mbi Europën dhe Euroazinë dhe të ambasadores së SHBA-ve në Kosovë, znj Tracey Ann Jacobson kanë vizituar ambientet e reja të Spitalit Amerikan.

Ata vizituan investimin më të ri në Prishtinë të grupit të "American Hospital Albania", për tu interesuar si dhe për të shprehur mbështetjen për këtë projekt ambicioz si dhe impaktin që do të sjellë në zhvillimin e sistemit shëndetësor në Kosovë.

Ata u shprehen shumë të kënaqur me investimin e bërë dhe me ambientet e reja të Spitalit Amerikan. 
Stafi i spitalit i informoi vizitorët mbi detajet e këtij projekti, vlerën e investimit, të rejat që sjellë në mjekësinë e Kosovës dhe numrin e lartë të punësimit.
 
Spitali Amerikan në Shqiperi dhe Kosovë është një investim i Bedminster Capital Management Fund, një fond investimesh me qendër në Connecticut/USA pjesëmarrës të të cilit janë Zyra e Investimeve të Huaja të Qeverisë së SHBA (OPIC), Banka Europiane për Rindërtim dhe Zhvillim si dhe investitor të ndryshëm privat amerikan.

Investimet e fondit janë fokusuar në Europën Juglindore në kompani me emër në Turqi, Rumani, Shqipëri, Bullgari, Serbi dhe Kosovë.

spitali amerikan

spitali amerikan

spitali amerikan

Redaksia online
(f.m/shqiptarja.com)