POP 5

Lajmet më të lexuara të 5 minutave të fundit

Ekonomi

Konsumi nuk përmirësohet, bie inflacioni në 1.4%! INSTAT: Çmimet e ushqimeve në korrik u ulën me 1.3%

Konsumi në vend nuk po njeh gjallërim. Shkak për këtë është bërë pasiguria për të ardhmen dhe frika për një izolim të dytë. Tashmë qytetarët janë orientuar drejt kursimit, dhe si pasojë inflacioni ka rënë në 1.4% në muajin korrik.

Frika për një izolim të dytë të vendit si pasojë e pandemisë COVID-19, ka bërë që qytetarët të kursejnë dhe të mos shpenzojnë, veçse për ushqime.

Sipas raportit të fundit të INSTAT, për çmimet e konsumit thuhet se inflacioni ka zbritur në 1.4% nga 1.5% që ishte në korrik të vitit të kaluar. Ky tregues në muajin qershor ishte në nivelin e 1.8%, përsëri shumë larg objektivit të Bankës së Shqipërisë për një inflacion në vlerën e 3%.

Ulja e inflacionit në këto nivele është një tregues që konsumi nuk po shënon progres, edhe pse vendi ka dalë nga izolimi. Gjatë muajit korrik të këtij viti qytetarët shqiptar kanë zgjedhur të kursejnë edhe sa i takon blerjes së produkteve të shportës pasi çmimet e kësaj kategorie në raport me muajin qershor kanë rënë me 1.3%.

Po ashtu qytetarët kanë zgjedhur të mos shpenzojnë as për argëtim e kulturë si dhe për mobilim të shtëpisë. Ndërsa treguesit që kanë pasur rritje të çmimit kanë qenë grupi i transportit, i mallrave dhe shërbimeve si dhe i pijeve alkoolike.

Mungesa e konsumit nuk vjen si pasojë e çmimeve të larta, por për shkak të rënies së të ardhurave, rritja e papunësisë si dhe pasiguritë për të ardhmen.

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53