Kontratat e koncesioneve dhe prokurimeve publike brenda vitit 2025 pritet të auditohen nga Kontrolli i Lartë i Shtetit (KLSH) Qeveria parashikon që auditimi i kontratave të koncesioneve dhe prokurimeve publike të kryhet sipas udhëzuesit për auditimin që pritet të miratohet nga Kontrolli I Lartë i Shtetit brenda vitit 2025.
Angazhimi i qeverisë për kontrollin e kontratave me koncesion dhe tenderëve paraqitet në dokumentin “Udhërrëfyesi për Shtetin e së Drejtës-Kapitulli 23 “Gjyqësori dhe të drejtat themelore” që përfshin masat kryesore që parashikohen të merren në kuadër të gjetjeve të paraqitura nga Komisioni Evropian për procesin e negociatave për anëtarësimin e vendit në BE.
Për parandalimin e korrupsionit në sektorin më të cenueshëm siç janë prokurimet, brenda vitit 2024 parashikohet edhe rishikimi i legjislacionit për prokurimin publik për të garantuar një llogaridhënie më të madhe, gjurmueshmëri të zbatimit të kontratës së dhënë dhe përfshirjen e zyrtarëve publikë në abuzime të mundshme.
Prioritet mbetet edhe kryerja e vlerësimit të rrezikut në sektorët vulnerabël dhe miratimi i një plani brenda 2025 për adresimin e rrezikut të integritetit dhe korrupsionit në sektorët e cenueshëm ndaj korrupsionit (prona, shëndetësia arsimi, prokurimet publike dhe PPP-të, taksat dhe doganat).
Sakaq disa kontrata koncesionesh të parashikuara të përfundonin këtë vit janë shtyrë nga qeveria.
Kontrata e koncesionit të pullave fiskale që përfundonte me 6 Shkurt 2023 u shty edhe për 2 vite të tjera. Kontrata përfundon më dhjetor 2024. Ndërsa tarifa e re për operatorët e prodhimit dhe importit të mallrave të akcizës u ul 10%. Në Shqipëri tarifa e pullave fiskale për 10 vjet ishte 22,4 USD për 1,000 copë, ndërsa në Europë çmimi mesatar i pullave fiskale është 3 USD për 1,000 copë, në Kosovë 2,2 USD. Sipërmarrësit vendas paguanin gati rreth 8 herë më shumë në raporti me çmimin mesatar të pullave në Europë.
Këshilli i Ministrave gjithashtu shtyu edhe me një vit koncesionin për markimin e karburanteve, i cili zyrtarisht duhet të kishte përfunduar në datën 1 gusht pavarësisht kundërshtimit që pati nga kompanitë e karburanteve për shkak të mungesës së eficiencës së këtij koncesioni deri tani dhe të mosdhënies së argumenteve pse duhet shtyrë. Kontrata përfundon më mars 2024.
Kontratat e koncesioneve në shëndetësi Check up dhe e Sterilizimit përfundojnë më 2024. Për të dyja këto kontrata nga SPAK kanë nisur hetimet për abuzimet. Hetimet për koncesionin e Check Up nisën më Maj 2022, ndërsa për sterilizimin më Gusht 2023.
Në vitet 2021-2022 SPAK nisën hetimet për inceneratorin e Elbasanit dhe Fierit. Në muajin Gusht 2023 nisën hetimet edhe për inceneratorin e Tiranës. Në total për të treja kontratat nga buxheti i shtetit janë paguar 110 milionë euro./Monitor
Lajme të tjera
-
Importet e barnave nga India, Bangaldeshi e Kina me autorizim ministri, KLSH: Në 3 vite pa analiza fiziko-kimike
20 Nëntor, 07:44 -
Rrugët me pagesë do të menaxhohen edhe nga shteti, qeveria krijon ‘EKORR’! Kompania do të monitorojë edhe akset e dhëna me koncesion
6 Nëntor, 20:38
-
Komisioni i Ekonomisë/ ‘Po sulmohem nga mediat’, Braçe: Do e qep gojën, se po thonë që kam ‘kap’ KLSH! Shehu: Vlerësojmë bashkëpunimin me ju për auditimet
29 Tetor, 12:00 -
SPAK merr të pandehur deputetin e PS, Plarent Ndreca! Shkeli barazinë në tenderë si sekretar në Ministrinë e Brendshme! Nga 4 komisariate, u rikonstruktuan 2
25 Tetor, 11:54
-
Miratohet projektrezoluta, KLSH do të bëjë publik planin e auditimit, kohëzgjatjen dhe audituesit! Debate mes socialistëve për transparencën e institucionit
15 Tetor, 16:15
-
Mazhoranca ‘sherr’ për transparencën e KLSH-së, Braçe: 10 muaj një kontroll! Duhet afat për auditimet! Gjini: Cënohet pavarësia
8 Tetor, 20:28
-
Përmbytjet në Vlorë, tenderët dhe kontratat për rrugët e kanalizimet në 'sitën' e KLSH-së! Prokuroria ende asnjë hetim!
8 Tetor, 15:52 -
EKSKLUZIVE/ EMRAT e 53 ekspertëve që do të angazhohen në Komisionin antikorrupsion të drejtuar nga Fatmir Xhafaj! Mes tyre gruaja e Sokol Olldashit e ish këshilltari i Metës
10 Shtator, 10:47
-
Pakt PS-PD! Miratohet me 90 vota pro dhe 4 kundër nën/Komisioni që kontrollon KLSH-në, opozita merr drejtimin! Spaho: Doni ta zaptoni! Kuvendi seancë maratonë
25 Korrik, 11:13 -
KLSh kërkoi shkarkimin e Drejtoreshës së buxhetit! Shalsi e thërret në ballafaqim me Shehun në Komisionin e Ekonomisë
23 Korrik, 13:22 -
Tabaku debat me Shalsin tek ‘Ekonomia’ për KLSH: Mos sulmoni institucionet e pavarura
19 Korrik, 15:33 -
Kreu i KLSH në Kuvend: S’ka regjistër për pronat shtetërore! Braçe: Hetoni 1 vit tregun e hidrokarbureve për çmimet
17 Korrik, 19:34
