POP 5

Lajmet më të lexuara të 5 minutave të fundit

Ekonomi

Kontributet, paga të reja
minimale dhe maksimale

Nga dita e djeshme, ndryshuan shifrat e pagave minimale dhe atyre maksimale, për efekt të llogaritjes së kontributeve të sigurimeve shoqërore dhe shëndetësore.
Kontributet, paga të reja<br />minimale dhe maksimale
TIRANE- Nga dita e djeshme, ndryshuan shifrat e pagave minimale dhe atyre maksimale, për efekt të llogaritjes së kontributeve të sigurimeve shoqërore dhe shëndetësore. Në zbatim të Vendimit Nr.581, datë 17.07.2013, të Këshillit të Ministrave “Për disa ndryshime dhe shtesa në Vendimin Nr.1114, datë 30.7.2008 të Këshillit të Ministrave”, botuar në Fletoren Zyrtare Nr.125, datë 30.07.2013, duke filluar nga data 1 gusht 2013 e në vazhdim, paga minimale mujore, për efekt të llogaritjes së kontributit të sigurimeve, shoqërore e shëndetësore, do të jetë jo më pak se 19.026 lekë, ndërsa paga maksimale mujore do të jetë 95.130 lekë.

Për të punësuarit, marrëdhëniet e punës të të cilëve rregullohen në bazë të ligjit nr.7961, datë 12.7.1995, “Kodi i Punës në Republikën e Shqipërisë”, të ndryshuar, paga minimale mujore, për llogaritjen e kontributeve është ajo e përcaktuar nga Këshilli i Ministrave, në zbatim të nenit nr.111, të ligjit të sipërpërmendur. Kjo pagë (sipas VKM nr. 573 date 03.07.2013 “Për përcaktimin e pagës minimale, në shkallë vendi”), duke filluar nga data 1 korrik 2013 e në vazhdim është 22.000 lekë. 

tabela paga

Kontributi i detyrueshëm për sigurimet shoqërore për personat e vetëpunësuar në veprimtari, tregtare apo shërbimi, ambulante, si dhe për personat, që punojnë si punëtorë shtëpie, nga data 1 gusht 2013 e në vazhdim do të jetë 2.500 lekë në muaj.

Drejtoria e Përgjithshme e Tatimeve ka njoftuar për një ndryshim të tillë gjithë publikun taksapagues, duke thënë edhe se për çdo pyetje apo informacion mund të kontaktohet me Drejtoritë apo Sektorët e Shërbimit ndaj Tatimpaguesve në të gjitha Drejtoritë Rajonale Tatimore.

Shkrimi u botua sot në gazetën “Shqiptarja.com” (print) 02.08.2013
 
Redaksia Online
(e.s/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Netanyahu do të apelojë urdhrin e arrestit të lëshuar nga GJPN

Netanyahu do të apelojë urdhrin e arrestit të lëshuar nga GJPN

27 Nëntor, 17:27