Kontroll medias,Kume:Propozimet
e KQZ të pamundura të zbatohen

Ish-kryetari i Komisionit Qendror të Zgjedhjeve, Kristaq Kume në një prononcim për Report Tv shprehet se propozimet e KQZ për kontrollin e medias janë të pamundura që të zbatohen për disa arsye.  “I kam lexuar  me vëmendje propozimet, për mendimin tim është një përpjekje e KQZ për ta patuar në dorë të gjithë, çfarë mund të bëjë media, nisur nga fakti, që ligji atë ka njohur si përgjegjëse kryesore për administrimin e zgjedhjeve. Ndjesia që të lë është që është e pamundur që të bëhet. Nëse do të duhet të monitorosh të gjitha mediat, kjo është e pamundur për shumë arsye” deklaron ai.

Kristaq Kume  shton se propozimet e KQZ janë të tepruara. “KQZ kërkon ndryshim shumë të fuqishëm, se cfarë do të bëjë media në pasqyrimin e fushatave zgjedhore. Mënyra si e ka konceptuar është shumë më tepër se nga ajo që pritet që të bëjë media. Është e tepruar, përveç se iu bie ndesh të tjerëve”.Gjithashtu, KQZ i kërkon Kuvendit për të perfshire ne Kodi edhe ligjet për transmetimin e reklamave politike falas në radiotelevizionet private gjate fushata. Kume thotë se nuk e kupton arsyen se pse KQZ i hyn kësaj loje.

“Ka qenë propozim i ndërkombëtarëve para zgjedhjeve të kaluara, i konsideruar i nxituar edhe nga ata që e propozuan, nuk e kuptoj pse i hyn KQZ kësaj loje. Për mendimin është e tepruar dhe nuk sjell produkte, përveç faktit që në të gjitha rastet është e domosdoshme që të konsultohesh, por nuk di që të jetë konsultuar me median” përfundoi ai.

Gazeta Shqiptarja.com zbuloi sot se Komisioni Qendror i Zgjedhjeve kërkon që, para dhe gjatë zgjedhjeve, të shtrijë kontrollin dhe të aplikojë kufizime mbi portalet dhe gazetat, të cilat sipas Komisionit kanë impakt të madh në zgjedhje. Komisioni Qendror i Zgjedhjeve ka dërguar në Kuvend 20 propozime për ndryshimin e Kodit Zgjedhor duke krijuar një rast të paprecedent dhe të rrezikshëm për censurimin e medias.

d.b/shqiptarja.com

TAG:
• kqz
• gafa