POP 5

Lajmet më të lexuara të 5 minutave të fundit

Ekonomi

Kontrollet në miniera, 669 subjekte
i kanë borxh shtetit 205 mln lekë

Janë 669 subjekteve minerare që nuk kanë shlyer detyrimin për pagesën e garancive të rehabilitimit në vitet 2011-2012. Ministria u lë afat pagese brenda 10 ditëve.
Kontrollet në miniera, 669 subjekte<br />i kanë borxh shtetit 205 mln lekë
TIRANË - Janë 669 subjekteve minerare që nuk kanë shlyer detyrimin për pagesën e garancive të rehabilitimit në vitet 2011-2012, duke i shkaktuar shtetit një humbje në shumën e 205,715,031 lekëve. Ministria e Energjitikës ka bërë të ditur se, kontrolli është ushtruar me urdhër të ministriti, Damian Gjiknuri.
 
Ministria ka bërë të ditur se, Agjencia Kombëtare e Burimeve Natyrore ka verifikuar gjendjen e pagesave të garancive të rehabilitimit nga ana e subjekteve që kanë licenca minerare. Pas këtij procesi verifikimi sipas derdhjeve në thesarin e Shtetit është konstatuar se për vitin 2011 janë 393 subjekte që nuk kanë likujduar në shtet garancinë e rehabilitimit, një dëm në buxhet i llogaritur në shumën 122.817.925 lekë.
 
Ndërkohë, për vitin 2012 rezultojnë gjithashtu 276 subjekte që i janë shmangur detyrimit ligjor për të depozituar garancinë e rehabilitimit duke shkaktuar një tjetër dëm në buxhet në shumën 82.897.106 lekë.
 
“Në total janë 669 subjekte që me mos përmbushjen e këtij detyrimi ligjor, i kanë shkaktuar humbje shtetit në shumën 205,715,031 lekë”, ka bërë të ditur Ministria e Energjitikës.
 
Subjekteve që nuk e kanë paguar këtë detyrim, Ministria e Energjisë dhe Industrisë u ka lënë një afat 10 ditor. Në rast të kundërt, në zbatim të ligjit “Për sektorin minerar në Republikës e Shqipërisë”, vendimi për miratimin e lejes minerare për këto subjekte vlerësohet automatikisht i revokuar nga institucioni i QKL-së.
 
Sipas përcaktimeve ligjore, “Garanci financiare për rehabilitimin e mjedisit” është vlera monetare që depozitohet çdo vit nga subjekti i licencuar, në formën e një garancie bankare në favor të shtetit, që përdoret për realizimin e planit të rehabilitimit përfundimtar të mjedisit, sipas përcaktimeve të këtij ligji.
 
Ministria e Energjitikës dhe Industrisë ka bërë të ditur se, ky verifikim është i veçantë vetëm për pagesat e rehabilitimit dhe përfshin gjithë territorin. Ky kontroll thotë ministria, nuk ka lidhje të drejtpërdrejtë me kontrollin që po zhvillohet në rajonin krommbajtës të Bulqizës.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

SHBA/ Kërcënonte se do të vriste Donald Trump, arrestohet një person në Arizona, vizitoi tubimin elektoral në gusht

SHBA/ Kërcënonte se do të vriste Donald Trump, arrestohet një person në Arizona, vizitoi tubimin elektoral në gusht

28 Nëntor, 19:25