Policia e Korçës ka arrestuar dy autorët e vjedhjes së lokalit të 51- vjeçarit, L.D, dy ditë pas ngjarjes.

Në pranga kanë përfudunduar Endrit Ristito 33 vjeç dhe 17- vjeçari R.M, të dy banues në qytetin e Korçës.

Mbi dy të arrestuarit rëndon akuza e “Vjedhjes”.

Njoftimi i policisë:

Specialistët e Seksionit për Krimet në Komisariatin e Policisë Korçë, bënë ndalimin e shtetasve :

Endri Ristio, 33 vjeç dhe R.M, 17 vjeç, të dy banues në Korçë.

Ndalimi i tyre u bë pasi, dyshohet se këta shtetas mund të jenë autorë të vjedhjes së lokalit në pronësi të shtetasit L.D, 51 vjeç, ngjarje e ndodhur më datë 28.08.2017 në lagjen nr 8 në Korçë.

Materialet i kaluan Prokurorisë të Rrethit Gjyqësor Korçë, për veprën penale : “Vjedhja” parashikuar nga neni 134/2 i Kodit Penal.