Korçë, 5 të rinj aksidentohen
pas festës së një ditëlindjeje

KORÇË - Aksident me pesë të plagosur ka ndodhur  gjatë orëve të natës në unazën e  qytetit të  Korçës. Automjeti  Benz me targa 9549 ka humbur kontrollin dhe si pasojë është goditur me bordurat e trotuarit afër  një pike karburanti.

Sipas të afërmëve, drejtuesi i mjetit Genci Hyseni rreth 20 vjeç, bashkë me katër shokët e tij ka qënë duke u kthyer nga Pogradeci  pasi kishin qënë në ditëlindjen e shokut të tyre.

Të aksidentuarit ndodhen në Spitalin Rajonal të qytetit të  Korçës ku po marrin ndihmën mjekësore. Nga bluzat e bardha mësohet se pesë të plagosurit  janë dëmtuar lehtë në trup ndërsa njëri ka pësuar thyerjen e këmbës të djathtë, por ndodhen jashtë rrezikut për jetën. 

Menjëherë në vendngjarje kanë  shkuar  uniformat blu të qytetit të cilët bëjnë me dije se paraprakisht shkak i aksidentit dyshohet shpejtësia e lartë. Policia po punon për zbardhjen e plotë të ngjarjes.

(Në Foto: Makina e përmbysur në Korçë)

Redaksia online
(ac/shqiptarja.com)