Prej muajsh karkalecat po sulmojnë të mbjellat në fshatin Pulahë të Korçës. Bëhet fjalë për sipërfaqe të tëra të cilat janë përfshirë nga karkaleci i cili është duke dëmtuar kultura të ndryshme bujqësore.
 
Alarmi i ngritur në mënyrë të përsëritur prej tyre ka detyruar Drejtorinë e Bujqësisë të shpërndajë një sasi preparati për të luftuar insektin, por për banorët kjo është e pamjaftueshme.
 
Ata thonë se janë detyruar të organizohen vetë duke blerë insekticidin dhe bëjnë vetë edhe spërkatjen në zonat e infektuara.
 
Ndërkohë e njëjta situatë është edhe në disa fshatra të rrethit të Dibrës, por Ministria e Bujqësisë ka marrë masa, teksa ka nisur një aksion për zhdukjen e këtij insekti nëpërmjet spërkatjes.
 
Ndërkohë dëmet e shkaktuara në bujqësisë nga karkaleci deri më tani kanë qenë të konsiderueshme.

 
Redaksia Online
(a.h/shqiptarja.com)