Një aksident rrugorë është regjistruar paraditen e kësaj të hëne në aksin rrugor Bilisht- Kapshticë.
 
Si pasojë e aksidentit kanë mbetur të plagosur rëndë tre persona, por fatmirësisht ndodhen jashtë rrezikut për jetën.
 
Burime zyrtare bëjnë me dije se janë plagosur Arben Prifti 50 vjeç, banues në Elbasan,i cili ishte në drejtues i mjetit, Genti Prifti 45 vjeç, vëllai i 50- vjeçarit dhe bashkëshortja e drejtuesit të mjetit, Olia Prifti 43 vjeçe.

Makina që drejtohej nga 50 vjeçari Prifti ka dal nga rruga dhe është rrokullisur në një kanal poshtë rrugës.

Të tre shtetasit janë dërguar për ndihmë mjekësore, në Spitalin e Bilishtit ku paraprakisht ndodhen jashtë rrezikut për jetën.

aksident korce

aksident korce

Njoftimi i policisë:
Më datë 21.08.2017 jemi njoftuar se në Kapshticë, ka dalë nga rruga mjeti tip "Hyndai" me targa HAE 8836 me drejtues mjeti shtetasin A.P, 50 vjeç, banues në Elbasan.

Për pasojë është dëmtuar ky i fundit, vëllai i tij shtetasi G.P, 45 vjeç dhe bashkëshortja e drejtuesit të mjetit shtetasja O.P, rreth 43 vjeçe, pasagjerë në mjet.
 
Të tre shtetasit janë dërguar për ndihmë mjekësore, në Spitalin e Bilishtit ku paraprakisht ndodhen jashtë rrezikut për jetën.
 
Grupi hetimor po punon për të zbardhur rrethanat e ngjarjes.
 
Redaksia Online
D.T/Shqiptarja.com