Dy persona të maskuar rreth orës 20:30 në periferi të Korçës në rrugën që të çon në Malin Moravë kanë goditur me sende të forta drejtuesin e mjetit me iniciale D.A., 35 vjeç i shoqëruar nga E.G.

Sipas policisë, dyshohet se personat pasi kanë goditur me sende të forta 35-vjeçarin, kanë marrë mjetin e këtij të fundit dhe janë larguar me shpejtësi. Policia ka marrë në pyetje drejtuesin e mjetit, ndërsa vijon punën për identifikimin dhe kapjen e autorëve. 

Njoftimi i policisë:

Më datë 06.01.2018, jemi njoftuar se rreth orës 20:30 në periferi të Korçës, në rrugën që të çon drejt Malit Moravë, dy persona të maskuar kanë goditur me sende të forta shtetasin D.A, rreth 35 vjeç, banues në fshatin Burimas, i cili ndodhej brenda mjetit të tij tip “Mercedes-Benz”, me targa AA 875 II, i shoqëruar me shtetasen E.G.

Nga të dhënat paraprake dyshohet se personat pasi kanë goditur me sende të forta shtetasin D.A, kanë marrë mjetin e këtij të fundit dhe janë larguar me shpejtësi.

Dy shtetasit e mësipërm, ndodhen në Komisariat ku po japin edhe deklaratat lidhur me ngjarjen e ndodhur. Nga ana e Policisë, janë ngritur pika kontrolli me qëllim identifikimin dhe kapjen e autorëve. Grupi hetimor po punon për zbardhjen e plotë të rrethanave të ngjarjes.

Redaksia Online
Xh.F/Shqiptarja.com