Koreja e Jugut/ Presidenti arrestohet për tradhti! 3 mijë policë shkuan në rezidencë! Tentoi të shpallte gjendje lufte në dhjetor! Yoon Suk Yeol refuzon të dëshmojë

SEUL - Presidenti i Koresë së Jugut, Yoon Suk Yeol, është arrestuar nga Agjencia e Antikorrupsionit (CIO) në Seul me akuzën e tradhtisë pas përpjekjes për grusht shteti 3 dhjetorin e kaluar.

Ky është rasti i parë në historinë e Koresë së Jugut që një president në detyrë, - edhe pse i pezulluar, nga të gjitha detyrat presidenciale pasi u shkarkua nga Parlamenti për shkak se vendosi përkohësisht ligjin ushtarak në vend - përfundon në pranga.

Ai përballet me akuzat për kryengritje dhe shpërdorim pushteti. Gjatë marrjes në pyetje ai ka refuzuar të dëshmojë dhe ndërsa është larguar nga pallati presidencial,u publikua një video treminutëshe ku Yoon deklaroi:

“Shteti i së drejtës në Korenë e Jugut ka rënë plotësisht. Kam vendosur të respektoj procedurat e paligjshme vetëm për të shmangur incidente të pakëndshme dhe gjakderdhje, por nuk e njoh hetimin aktual.”

Yoon, 64 vjeç, i cili më parë ka shërbyer dhe si Prokuror i Përgjithshëm, u pezullua nga detyra e presidentit më 14 dhjetor për shpalljen e gjendjes ushtarake, një masë që zgjati vetëm gjashtë orë, por futi Korenë e Jugut në kaos dhe më vonë u revokua nga parlamenti.

Arrestimi
Policia kishte diskoluar 3000 oficerë dhe  përdori forcën për të shtyrë turmën përpara pallatit presidencial, për të hequr barrikadat që ditët e fundit e kishin shndërruar rezidencën presidenciale në një lloj bunkeri, të vendosur me tela me gjemba në mure.

3 orë kërkime në rezidencë
Hetuesit e Koresë së Jugut dhe oficerët e zbatimit të ligjit hynë në kompleksin presidencial rreth orës 7:30 të mëngjesit (me orën lokale) përmes barrikadave dhe kryen një kontroll gati tre orësh përpara se të arrestonin përfundimisht në orën 10:33 (02:33 me orën në Shqipëri)

Presidenti në paraburgim
Presidenti i pezulluar u dërgua në zyrat e CIO për një seancë marrje në pyetje dhe do të qëndrojë në izolim në një qendër paraburgimi në Seul.Byroja e Hetimit të Korrupsionit për Zyrtarët e Lartë dhe Agjencia Kombëtare e Policisë nisi një hetim të përbashkët ndaj Yoon, i cili akuzohet për tradhti, duke marrë një urdhër arresti të dytë kundër tij javën e kaluar, pasi kishte tentuar pa sukses të kryente të parin më 3 janar. Bastisja në pallatin presidencial erdhi pasi Gjykata Kushtetuese e Koresë së Jugut filloi shqyrtimin e çështjes së fajësimit të Yoon mbi përpjekjen e tij të dështuar për të vendosur ligjin ushtarak.

 Beteja në Gjykatën Kushtetuese
Presidentt Yoon ishte pezulluar nga të gjitha detyrat presidenciale pasi u shkarkua nga Parlamenti në 14 dhjetor dhe është Gjykata Kushtetuese e Koresë së Jugut që vendosë për shkarkimin apo kthimin në detyrë të Yoonit. Kjo e fundit ka nisur shqyrtimin e vendimit për shkarkimin e tij dhe ka afat deri në mesin e qershorit për ta konfirmuar ose anuluar këtë vendim.

Arrestimi erdhi pasi Yoon nuk u paraqit në seancën e gjykatës, duke rritur tensionet dhe rrezikun për një konflikt të mundshëm. Ky zhvillim tronditës është një moment historik për Korenë e Jugut, një demokraci që po përballet me sfida të mëdha në ruajtjen e stabilitetit të saj politik dhe juridik.

Partia Demokratike e Koresë së Jugut, opozita kryesore, e përshëndeti arrestimin si “hapin e parë drejt rikthimit të rendit kushtetues dhe shtetit të së drejtës.” Ndërkohë, për muaj me radhë, vendi ka qenë dëshmitar i protestave masive të opozitës që kërkonin arrestimin dhe dorëheqjen e Yoon.

Rendit zhvillimet sipas orarit:

Të Fundit Të Parat

S.G/Shqiptarja.com

TAG:
• Yoon Suk Yeol
• Kore e jugut