Masat e ashpra të ndërmarra për të shmangur përhapjen e koronavirusit, kanë prekur dhe janë të vlefshme edhe median, televizionet, gazetarët dhe raportuesit në terren apo studio televizive. AMA ka njoftuar masat e marra për televizionet dhe emisionet me publik apo panele të ftuarish për të shmangur përhapjen e koronavirusit. AMA vendosi që emisionet që kanë publik në studion e tyre do të regjistrohen apo transmetohen pa praninë e tij. Gjithashtu në studiot ku ka panele të ftuarish, AMA thekson se nuk duhet të ketë më shumë se 2 të ftuar dhe se duhet të respektohet distanca mes tyre e rekomanduar nga ministria e Shëndetësisë.
Një tjetër këshillë që AMA jep për mediat janë përdorimi i lidhjeve direkte apo në distancë në mënyrë që të shmanget sa më shumë transmetimi i virusit. Këto urdhra do të nisin zbatimin që të nesërmen, më datë 12 mars dhe nëse nuk respektohen nga televizionet, atëherë do të jepen masa administrative.
Media ka një rol të fuqishëm në informimit dhe ndërgjegjësimin e njerëzve për rrezikun real që paraqet koronavirusi, por gjithashtu duhet të mbrojë personelin dhe punonjësit e tyre.
Njoftimi i plotë i AMA
Njoftim për mediat audiovizive mbi mbrojtjen e personelit brenda mjediseve të redaksive dhe studiove
Autoriteti i Mediave Audiovizive, AMA, duke ndjekur situatën me përpjekjet që po bëhen për parandalimin e përhapjes së infeksionit të shkaktuar nga COVID-19, kujton subjektet audiovizive që të kujdesen me përgjegjësi maksimale për personelin që angazhojnë brenda mjediseve të redaksive e studiove të regjistrimit dhe transmetimit.
Në këtë periudhë të ndalohet prezenca e publikut të përqendruar në programe televizive direkte ose të regjistruara.
Në formatet informative apo forum, të mos ketë më shumë se 2 persona të pranishëm, duke respektuar distancat apo standardet që janë përfshirë dhe në udhëzimet që ka bërë publike së fundmi Ministria e Shëndetësisë, për parandalimin e përhapjes së infeksionit të shkaktuar nga COVID-19.
Shtimi i lidhjeve direkte, në distancë, mënjanon rreziqet e transmetimit të virusit.
Angazhimi dhe puna voluminoze e redaksive audio dhe audiovizive për raportimin dhe mbulimin e zhvillimeve në terren, duhet të marrë parasysh dhe shëndetin e personelit gazetaresk dhe mbështetës, për të mënjanuar efektet e padëshiruara nga raste të përhapjes së infeksionit të shkaktuar nga COVID-19.
Duke vlerësuar shëndetin e qytetarit mbi gjithçka, AMA, nga data 12.03.2020 do të monitorojë transmetimet audiovizive dhe për rastet e evidentuara të neglizhencave apo shkeljeve të kërkesave të mësipërme do të fillojë procedurat administrative.
Komente
Lajme të tjera
-
Vrasja e 14-vjeçarit Martin Cani, reagon dhe AMA: Mediat të shmangin identifikimet e fëmijëve apo intervistimin e tyre me detyrim dhe pa leje! Po ju vëzhgojmë, ja 6 kriteret
20 Nëntor, 17:05 -
Të dhënat e AMA-s nxjerrin bllof Berishën, 'regjimi' i Ramës i jep 60% të kohës televizive
13 Nëntor, 18:39 -
Bashkëpunimi AMA-TikTok, fshihen qindra video me përmbajtje problematike
11 Tetor, 16:48 -
AMA marrëveshje me TikTok, bllokohen 36 video abuzuese! Krasniqi: Dritare për mundësimin e ankesave nga qytetarët
5 Shtator, 07:00 -
AMA marrëveshje me ‘Tik-Tok’ për videot abuzuese, bllokohen 36 prej tyre
4 Shtator, 17:37
-
Krasniqi publikon bilancin e AMA për TikTok: Në 5 ditë u bllokuan qindra video pirate dhe me përmbajtje të dëmshme
30 Gusht, 14:41 -
AMA bashkëpunim me TikTok! Krasniqi: Raportoni përmbajtjet e dëmshme
22 Gusht, 13:07 -
Mosdeklarim të pronësisë dhe dhunë/ 27 gjoba për 7 muaj! Kryetarja e AMA-s bën publike llojet e shkeljeve të kryera nga televizionet
7 Gusht, 12:32 -
Televizionet abuzuan me reklamat e fshehta, raporti i AMA për 2023! Krasniqi raporton te 'Media': Shumë ankesa për shkelje të të drejtave
27 Maj, 13:37 -
Kryetarja e AMA-s në Konferencën ndërkombëtare të Abixhanit! Nënshkruhet Deklarata e Dialogut mes rrjeteve rregullatore dhe platformave Google, Meta, X dhe Tik Tok
26 Prill, 10:15 -
Dhunohet fizikisht punonjësi i AMA-s, reagon Krasniqi: Shkelësit do të marrin dënimin sipas ligjit
11 Prill, 19:41 -
Peticioni i studiuesve, ‘shoshiten’ problemet, AMA: Për gjuhën shqipe, asnjë ankesë! Më e lashta në botë?! Akademiku: Të pyeten ata që merren me këtë punë!
20 Shkurt, 17:18
Le ti hapin ato kanalet me pagese per nja dy jave Te shohin njerzit te kalojne kohen e vetkarantinimit Keshtu edhe keto media do kontribuojne ne kapercimim e krizes
Përgjigju