Koronavirusi/ Ndalohet nga nesër lëvizja e pasagjerëve drejt Greqisë...vetëm me makinë personale

Saranda

1566209441_sarande.jpg

Nga 14 marsi, pezullohen deri në një njoftim të dytë të gjitha lëvizjet detare dhe nga toka me Greqinë. Drejtoria Detare në zbatim të urdhrit të Ministrisë së Infrastrukturës dhe Energjetikës, bëri të ditur ndalimin e të gjitha lëvizjeve të pasagjerëve të linjave Sarandë-Korfuz dhe Korfuz-Sarandë, pas ndryshimit të situatës ne Greqi për shkak të përhapjes së COVID-19. Të gjitha linjat e trageteve mes Greqisë dhe Shqipërisë bllokohen deri në një urdhër të dytë dhe nuk do lejohet asnjë pasagjer të udhëtojë në drejtim të Shqipërisë apo në drejtim të Greqisë.

Po ashtu është ndaluar edhe transporti i pasagjerëve me autobus, por do të lejohet që të shkohet drejt Greqisë me makinë personale.

Nuk preket nga këto masa transporti i mallrave.

"Të gjitha linjat e transportit pasagjerëve do lejohen të marrin pa kufizim kamionë dhe mallra nga Greqia me destinacion Shqipërinë gjithashtu do të lejohen të gjitha anijet e mallrave nga Greqia për në Shqipëri dhe anasjelltas. Ekuipazhi dhe shoferët do t'i nënshtrohen kontrolleve te rrepta në portet shqiptare", thuhet në një njoftim të Drejtorisë së Përgjithshme Detare.

Agjencitë Detare për linjat: Sarande-Korfuz-Sarandë duhet të ndalojnë prenotimin e biletave nga portet e Sarandës dhe Korfuzit. "Të lajmërohen pasagjerët në sportelet e porteve për urdhrin e bllokimit të lëvizjes nga Greqia në drejtim të Shqipërisë dhe anasjelltas. Thyerja e këtij urdhri nga operatorët do klasifikohet shkelje e rëndë dhe do ju hiqet licenca e aktivitetit te transportit ndërkombëtar të udhëtarëve", përfundon njoftimi.


Lajmi kryesor:

Mbyllet 14 ditë kufiri me Kosovën, drejt Greqisë vetëm me makinë personale, Maqedonia e Veriut bllokon Dibrën, Mali i Zi lë hapur vetëm Hanin e Hotit (VIDEO)


E.D./G.M./Shqiptarja.com
  • Sondazhi i ditës:

    A duhet të ketë ndryshime në qeveri?



×

Lajmi i fundit

John

CNN: Trump përçmon shkencën për Covid dhe do që shkencëtarët ta ndjekin nga pas