Ka shkuar në 862 628 numri i vaksinimeve kundër koronavirusit të kryera në vend që nga fillimi i fushatës së vaksinimit. Shifra u bë me dije nga Ministrja e Shëndetësisë, Ogerta Manastirliu, e cila thotë po ashtu se në 24 orët e fundit janë kryer 8401 vaksinime.
Procesi i vaksinimit në vend vijon me ritme mjaft të shpejta, ndërsa po ashtu çdo javë mbërrijnë doza vaksinash, duke e çuar totalin në 956,250 doza.
Duket se vendi ynë po shkon kështu drejt fundit të pandemisë, ku në 24 orët e fundit janë regjistruar vetëm 5 raste të reja infeksioni dhe asnjë viktimë.
![](https://shqiptarja.com/template/img/NO_ALFA_Kuadrate shqiptarja.png)
Po ashtu, Ministrja Manastirliu bëri me dije se në spitalin Infektiv, i cili është spitali i fundit COVID në Tiranë, po marrin trajtim vetëm 9 pacientë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)