Korsitë e biçikletave, Veliaj flet në BBC World News: Në 5 muaj po bëjmë atë që disa qyteteve u janë dashur 50 vjet

Bashkia e Tiranës shprehet se trendi më i ri në kryeqytet, shtimi i korsive të biçikletave, e shoqëruar edhe me rritjen e kërkesës për blerjen e tyre në treg, ka tërhequr vëmendjen e gjigantit mediatik BBC, i cili dje pasdite zhvilloi një intervistë me kryebashkiakun Erion Veliaj, për këtë çështje. BBC World News e ka renditur Tiranën mes Nju Jorkut, Parisit dhe Milanos, tre qytete të cilat gjatë pandemisë së koronavirusit kanë zgjedhur të shtojnë korsitë e biçikletave, si mënyra më e sigurt për të lëvizur në qytet.

Gjatë pandemisë së koronavirusit, shumë qytete kanë krijuar korsi të reja për biçikletat. Disa për të lehtësuar lëvizjen e qytetarëve, e disa për të bërë ndryshime domethënëse. Nju Jorku ka shtuar 65 km korsi biçikletash në qytet. Në Paris janë ndërtuar 650 km korsi. Milano ka shtuar 35 km korsi biçikletash, duke inkurajuar përdoruesit e biçikletave. Ndërsa, në kryeqytetin shqiptar, Tirana, ku qytetarët nuk kanë pasur mundësi të ngasin makinën për shkak të situatës me koronavirusin, janë ndërtuar 4 km korsi të reja biçikletash. Le të lidhemi tani me kryetarin e Bashkisë së Tiranës, z. Erion Veliaj. Faleminderit që na u bashkuat. Pra, shtimi i korsive të biçikletave është lajmi pozitiv i kësaj krize shëndetësore?
Faleminderit për ftesën. Është vërtet diçka fantastike! Kur po vija në zyrë, mësova se të gjitha dyqanet e biçikletave në qytet kanë deklaruar rritje të shitjeve të biçikletave dhe ky është një lajm fantastik, pasi është diçka që nuk e kemi dëgjuar më parë. Në vitet ‘90 ne njiheshim si Koreja e Veriut e Evropës, kur të gjithë lëviznim me biçikletë apo në këmbë. Më pas, me ardhjen e demokracisë dhe të kapitalizmit, shqiptarët shkuan në vendet fqinje dhe ato evropiane, si Anglia apo Gjermania, dhe sollën makina luksoze, si Ranger Rover apo Mercedes, më shumë si një trofe sesa si një mjet transporti për nga A-ja te B-ja. Për një kohë të gjatë kemi llogaritur se në një qytet me 1 milion banorë, çdo ditë qarkullojnë 800 mijë makina, të cilat pjesa më e madhe e qytetarëve i përdorin për të lëvizur më pak se një kilometër, për të shkuar në dyqan, te berberi, në kafe apo për të blerë bukë. Por, kriza e pandemisë mendoj se na dha një mundësi të madhe pasi, ndërsa makinat u parkuan, u kthyem te biçikletat. Jo për të kopjuar komunizmin, por na bëri të kujtojmë se gjenerata e prindërve tanë e ka ndjekur këtë mënyrë të lëvizjes në qytet.

Mendoni se kjo është diçka afatshkurtër, e momentit apo e shihni si ndryshim afatgjatë?
Ne i quajmë "pop-up lanes", por ato do të jenë aty përgjithmonë. Arsyeja pse e quajmë kështu është sepse i krijojmë shpejt dhe me infrastrukturë bazike. Sigurisht, dëgjojmë edhe nga këto legjendat urbane se ne nuk jemi Kopenhageni, nuk jemi Amsterdami... por, as Kopenhageni dhe as Amsterdami nuk kanë qenë kështu 50 vjet më parë, kur filluan këto lëvizje. Tani pyetja është: a mund ta bëjmë në 5 muaj atë që disa prej qyteteve e kanë bërë për 50 vjet?

Është e qartë se shqiptarët e kanë përqafuar këtë nismë sepse siç e thatë edhe ju, shumica e biçikletave janë shitur...
Mendoj se magjia nisi me fëmijët. Shiko, njerëzit janë gjithmonë dyshues ndaj politikanëve, madje edhe unë jam dyshues për politikanët, por nuk mund të jesh dyshues për fëmijën tënd. Ndaj, të parët, ata që ne i quajmë si "speciet treguese", njësoj si me ligjet e natyrës, speciet e para që na konfirmuan habitatin për çështjen tonë ishin fëmijët. Në natyrë mund të jetë një zog, në bregdetin shqiptar për shembull speciet treguese janë flamingot, por në qytetin tonë, në habitatin urban, kur fëmijët morën biçikletat, tërhoqën edhe prindërit e tyre sepse edhe ata duhet të blejnë biçikletë që të ndjekin fëmijët. Prandaj, ka qenë diçka fantastike. Krejt papritur këta avokatë, të cilët nuk janë taksapagues, nuk janë votues, që nuk kanë dogma apo lidhje me të kaluarën, të quajtur fëmijë, praktikisht janë duke udhëhequr këtë revolucion. Ne shpeshherë e themi me shaka se infrastruktura më e madhe për të ndryshuar një qytet është 10 centimetra: nga këtu deri këtu.

Nëse mund t'ju pyes, po ju a keni pedaluar me biçikletë këto kohë në qytet?
Po patjetër dhe është shumë qejf. Kur kryeministri na fton për një takim apo kur kemi ndonjë event të gjithë i biem rreth e rrotull qendrës, sepse e kemi bërë të gjithën hapësirë pedonaleje, ndërkohë ti ndihesh mirë që je i pari në takim sepse me biçikletë të merr vetëm 2 minuta kohë.

d.ba./Shqiptarja.com
  • Sondazhi i ditës:

    S'ka marrëveshje për reformën, a duhet të ketë qeveri tranzitore përpara zgjedhjeve parlamentare?

Komento

Komente

  • rty: 27/05/2020 12:28

    po dhe per palate sle vend pa bere

    Përgjigju
  • LALI ERI: 26/05/2020 15:12

    O erion ishalla te shtyp ndonje biciklet se na i shpife me kto korsit e bicikletave , po na i parkojn makinat brenda ne shpi sje ne new york ktu o idiot njeri te perdhunfoshin qent e rruges

    Përgjigju
  • Sportisti: 24/05/2020 15:23

    Uuuuuaaaaa sa puntore edhe sa pune bani ju. BARBONA

    Përgjigju
  • SHQIPNI: 21/05/2020 18:06

    Në Tiranë të shtypin në vijat e bardha e në totuar ju thoni biçikleta. O amico, vjet në behar leviza nje ditë me biçikletë dhe u tmerrova. Eshtë e rrezikshme levizja me biçikleta në Tiranë për fat të keq. Futu te komuna e parisit me biçikletë, o amico futu.

    Përgjigju
  • Mirditor: 21/05/2020 17:52

    iku koha e mjeteve me benzin, gasoil. Biçikleta, mjetet me gas metan, elektrike, jan e ardhmja e tokes. Ne gjithe boten vdesin njerz nga ndotja e mjeteve motorike.

    Përgjigju
  • karidi: 14/05/2020 23:10

    ti je kancer o erion. e gjetsh nga bicikletat

    Përgjigju
  • nazmiu: 13/05/2020 16:10

    PER PUNET E MIRA te ulim kapelen,,,,si kjo e korsive te bicikletave,,,por duhet te rishohesh politikat mbi lejet e ndertimit dhe teatrin...

    Përgjigju
  • blerta: 13/05/2020 16:05

    KU paskemi qene na mbyten me tym keto makina,,,na shkatarruan mushkerite,,po vdesin me qindra ne vit vetem nga ndotja qe bejne keta me makina,,,,,bicikleta eshte mjeti me I mire per tiranen e parkon ngado,,,nuk te harxhon leke ,,dhe e mban ambientin te paster,,,,duhet bere dhe mine peza--rruga fortuzi--porcelani---unaza nga zogu I zi deri tek brryli me korsi biciklete….//

    Përgjigju


×

Lajmi i fundit

John

Ndërron jetë 88-vjeçari në Spitalin Infektiv! Ministria e Shëndetësisë: Vdiq nga ataku kardiak, bartës i COVID-19 por asimptomatik