POP 5

Lajmet më të lexuara të 5 minutave të fundit

Kosova & Rajoni

Kosovë, Jahjaga: Zgjedhjet në veri
në interes të gjithë qytetarëve

Presidentja e Republikës së Kosovës, Atifete Jahjaga ka deklaruar se organizimi i zgjedhjeve të tre nëntorit në gjithë territorin e Kosovës duke përfshirë edhe veriu e Mitrovicës, është në interes të të gjithë qytetarëve.
PRISHTINE- Presidentja e Republikës së Kosovës, Atifete Jahjaga ka deklaruar se organizimi i zgjedhjeve të tre nëntorit në gjithë territorin e Kosovës duke përfshirë edhe veriu e Mitrovicës, është në interes të të gjithë qytetarëve e sidomos të komunitetit serb i cili jeton në veri të Mitrovicës.

Jahjaga ka thënë se pjesëmarrja e serbëve në zgjedhje do iu garanton atyre që përmes përfaqësuesve të tyre ligjorë dhe legjitim t’i realizojnë të gjitha të drejtat e tyre që janë parashikuar në Kushtetutën dhe me Ligjet e vendit.

Gjithashtu, ajo ka thënë se e rëndësishme është të ketë zgjedhje demokratike dhe të ketë një numër sa më të madh të qytetarëve që do të marrin pjesë në zgjedhje.

“Pa dashur të paragjykoj të gjithë qytetarët e sidomos ata të komunitetit serb që jetojnë në këtë pjesë të Mitrovicës dëshirojnë të kenë një jetë normale, një jetë më të sigurt, dhe pjesëmarrja e tyre në zgjedhje ju garanton dhe do të ju jap mundësinë që përmes përfaqësuesve të tyre legal dhe legjitim do të mund t’i realizojnë të gjitha të drejtat e tyre që janë paraparë në Kushtetutën dhe me Ligjet e vendit. Për ne është e rëndësishme të kemi zgjedhje të lira, demokratike që të kemi një numër sa më të madh të qytetarëve që të participojnë në procesin e zgjedhjeve që është e drejt elementare dhe ky është provimi më i madh i demokracisë së një shteti”, ka thënë Jahjaga.

Jahjaga ka deklaruar se e rëndësishme është që Kosova dhe Serbia të krijojnë raporte miqësore dhe të realizohet me sukses marrëveshja e 19 prillit, marrëveshje kjo e cila deri më tani është duke ecur mirë.

Ajo theksoi se procesi i dialogut mes Republikës së Kosovës dhe Republikës së Serbisë është një ndër alternativat e vetme për normalizimin e marrëdhënieve ndërmjet dy vendeve, si proces që nuk ka alternativë tjetër, nëse dëshirojnë integrim në BE.

Marrë nga "RTK"

Redaksia Online
(e.s/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50