Kosovë-Mali i Zi në hartën e 5 pikave
të pazgjidhura kufitare të Ballkanit

Pjesa e kufirit të Kosovës me Malin e Zi është në mesin e 5 pikave kontestuese të kufirit në Ballkanin Perëndimor, shkruan Radio Europa e Lirë.

3 pika të tjera kufitare të kontestuara jane ndërmjet Bosnje e Hercegovinës dhe Serbisë, ndërsa një tjetër në kufirin Kroaci-Serbi

Në pikën 1 në hartën e mëposhtme, është pjesë ku Kroacia pretendon 10 mijë hektarë nga Serbia në anën tjetër të lumit Danub, ndërsa Serbia 3 mijë hektarë të vendit fqinj.

Me demarkacionin e kontestuar nga një pjesë e ekspertëve në Kosovë (pika 5 në hartë), pretendojnë se i janë falur 8 mijë hektarë të territorit shtetëror Malit të Zi.

Ndërsa pikat e kontestuara ndërmjet Bosnje e Hercegovinës dhe Serbisë përfshijnë sipërfaqe 17 dhe 5 hektarë.

Qeveria e re e Kosovës ka emëruar komision të ri që pritet të dorëzojë në qeveri raportin për demarkacionin, ndërsa partitë politike janë të ndara rreth asaj nëse duhet miratuar marrëveshja në versionin aktual. 

dy.b/shqiptarja.com