Ditë më parë, komandanti i KFOR-it, Erhard Dreës kishte deklaruar se rreth 700 pjesëtar të KFOR-it gjerman dhe austriak, këto ditë do të zbarkojnë në Kosovë, dhe nga kjo shifër e paralajmëruar, tashmë kanë arritur 250 ushtarë në Kosovë.
Lajmi është konfirmuar nga Mark Stubler nga zyra për informim e KFOR-it, i cili nuk ka saktësuar kohën dhe vendin e qëndrimit të ushtarëve në Kosovë, duke thënë se kjo është pjesë e çështjeve operacioneve të KFOR-it.
Deri të premte, pritet që KFOR-it t’i bashkohen edhe 450 trupa shtesë të batalionit rezervë, me ushtarë gjermanë dhe austriakë.
(jd/shqiptarja.com)