POP 5

Lajmet më të lexuara të 5 minutave të fundit

Kosova & Rajoni

Kosovë, në zgjedhjet lokale
ndryshon numri i mandateve

Ministria e Administrimit të Pushtetit Lokal i ka dërguar Komisionit Qendror të Zgjedhjeve, një kërkesë ku shpjegohet se ndryshimet do të bëhen në bazë të vlerësimi të numrit të popullsisë në komunat veriore.
PRISHTINË - Në zgjedhjet e 3 nëntorit do të ketë ndryshim të numrit të mandateve në disa komuna në Kosovë. Disa prej tyre në pjesën jugore do të ketë numër më të vogël të anëtarëve, në ato veriore do të ketë rritje të numrit të mandateve.
 
Kjo vjen pas një shkrese që Ministria e Administrimit të Pushtetit Lokal ia ka dërguar Komisionit Qendror të Zgjedhjeve, kërkesë kjo, që pretendohet se është bërë në bazë të vlerësimi të numrit të popullsisë në komunat veriore.
 
Kështu, Leposaviqi, Zubin Potoku, Zveçani dhe Mitrovica Veriore do të kenë numër më të madh të asamblistëve, pas verdiktit të zgjedhjeve. Mirëpo, në kërkesën e MAPL-së, ka shpërputhje të shifrave me Agjencinë e Statistikave të Kosovës, vlerësojnë përfaqësues të institutit GAP. Por, zyrtarë të MAPL-së thonë se këto shifra janë marrë nga Agjencia e Statistikave dhe vlerësojnë numrin e popullsisë së atyre pjesëve.
 
Sipas sekretarit të kësaj ministrie, Besnik Osmani, nuk bëhet fjalë për rritje të qëllimshme të numrit të popullsisë së asaj pjese. Mirëpo dallojnë të dhënat e MAPL-së dhe të Agjencisë së Statistikave të Kosovës. Sipas ASK-së në Komunën e Leposaviqit jetojnë 13.682 banorë, ky numër, sipas MAPL-së, është 19 mijë. Në Zubin Potok, sipas ASK-së, janë 6,592 banorë, kurse sipas MAPL-së, 15 mijë.
 
Njësoj ndodh edhe me Zveçanin dhe pjesën veriore të Mitrovicës, ku ASK-ja vlerëson se jetojnë 7,421, respektivisht, 12,303 banorë, përderisa MAPL-ja thotë se jetojnë 16,000, respektivisht, 20,000, në pjesën veriore të Mitrovicës. Zëdhënësja e Agjencisë së Statistikave të Kosovës, Hazbije Qeriqi, i ka thënë KTV-së se asnjë statistikë tjetër përveç këtij institucioni nuk është zyrtare dhe nuk është e vlefshme.
 
Redaksia online
(ac/sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13