Kosovë, opozita pengon seancën
zhurmë dhe gaz lotsjellës në sallë 

Kuvendi i Kosovës u bë sërish një arenë beteje mes deputetëve të qeverisë dhe të opozitës, pavarësisht se u mbajt deri në fund seanca. Përveç bilbilave të përdorur nga deputetët e opozitës për të krijuar zhurmë në kuvend u hodh edhe gaz lotsjellës. 
 
Nga foltorja e Kuvendit nuk pati asnjë mundësi që deputetët të flisni pasi ishte e bllokuar nga deputetë të Lëvizjes Vetëvendosje, Aleancës për Ardhmërinë e Kosovës dhe Nismës për Kosovën. 
 
Ndërkohë që ligjet viheshin për votim deputetët e opozitës bënin zhurmë e ndërsa deputeti i Vetëvendosjes, Albin Kurti i ka hedhur ujë në fytyrë nënkryetarit të Kuvendit Xhavit Haliti.
 
Bllokimi i punës së Kuvendit të Kosovës është një masë që tani opozita po e zbaton në kundërshtim të marrëveshjes që qeveria e Kosovës dhe ajo e Serbisë me ndërmjetësimin e Brukselit kanë arritur për krijimin e bashkësisë së Komunave me Shumicë Serbe. 
 
KJo marrëveshje është arritur më 25 gusht, me ndërmjetësimin e Bashkimit Evropian. Opozita e cilëson si marrëveshje që çon drejt ndarjes së Kosovës. 

Redaksia Online
(u.s/shqiptarja.com)