‘Kosova është zemra e Serbisë’, Federata e Tenisit të Kosovës i përgjigjet gjestit provokativ të tenistit serb: Po nxit tensione mes dy vendeve

Federata e Tenisit të Kosovës ka reaguar pas gjestit provokativ të tenistit serb Novak Djokovic, i cili në përfundim të ndeshjes në French Open, shkroi në ekranin e kamerës “Kosova është zemra e Serbisë! Ndaleni dhunën”.

Pas këtij gjesti ka ardhur edhe reagimi nga presidenti i Federatës së Tenisit të Kosovës, Jeton Hadërgjonaj, i cili në një deklaratë zyrtare thotë se mesazhi ‘Kosova është zemra e Serbisë’ nxit tension mes Serbisë dhe Kosovës, mes të cilave dy ditët e fundit ka pasur goxha tension.

“Komentet e bëra nga Novak Djokovic në fund të ndeshjes së Roland Garros ndaj Aleksandar Kovacevicit, deklaratat e tij në konferencën për shtyp pas ndeshjes dhe postimi i tij në Instagram përfaqësojnë një seri të thellë për keqardhje. Novak Djokovic ishte tashmë autor i veprimeve të ngjashme në të kaluarën. Pavarësisht një mesazhi të përgjithshëm kundër dhunës, deklarata “Kosova është zemra e Serbisë” dhe deklaratat e mëtejshme pas ndeshjes, bërë nga një personazh i tillë publik, me rastin e një ngjarjeje mbarë botërorë si ajo French Open, rezultojnë drejtpërdrejt në ngritjen e nivelit të tensionit mes të dyjave shteteve, Serbisë dhe Kosovës.

LEXO EDHE:
Macron i përmend Kurtit Asociacionin teksa flet për rrugën e Kosovës në Këshillin e Evropës

Federata e Tenisit e Kosovës vazhdon të rekomandojë fuqishëm sportistët dhe njerëzit e sportit të punojnë për paqen dhe të përmbahen nga keqpërdorimi i pozicionit të tyre në sport për qëllime politike”, shkruhet në komunikatë.  

Kjo nuk është hera e parë që Djokovic përkrah gjëra të tilla që janë kundër Kosovës, e që pothuajse në çdo ndeshje sportive shfaqen nga tifozët serb.

Mesazhi i Djokovic

SI.E./Shqiptarja.com

TAG:
• novak djokovic
• tensionet kosove-serbi
• kosove
• serbi