Kosova heq orën policore por rriten sërish infektimet nga COVID-19/ 344 raste pozitive dhe 2 viktima në 24 orët e fundit

Në Kosovë gjatë 24 orët e fundit kane rezultuar pozitiv me koronavirus 344 persona dhe janë raportuar 2 viktima.

Në raport me ditën e djeshme numri i infektimeve nga COVID-19 është rritur pasi dje u regjistruan 307 raste pozitive, Ndërkohë ditën e sotme kanë humbur jetën 2 persona më pak se dje si pasojë e virusit. 

Numri i pacientëve të cilët kanë arritur të mposhtin COVID-19 është 230 në 24 orët e fundit.

Numri total i infektimeve ka shkuar 63.433, ndërkohë që ai i viktimave është 1.534 në të gjithë vendin që nga fillimi i pandemisë, duke përfshirë edhe përditësimet e ditës së sotme.

Rastet pozitive janë nga komunat: Prishtinë 127 raste, Podujevë 27 raste, Prizren 25 raste, Vushtrri 18 raste, Pejë 14 raste, Ferizaj 13 raste, Fushë-Kosovë 12 raste, Gjakovë 12 raste, Mitrovicë 12 raste, Obiliq 12 raste, Suharekë 10 raste, Gjilan 9 raste, Dragash 8 raste, Drenas 8 raste, Lipjan 6 raste, Rahovec 6 raste, Skenderaj 6 raste, Klinë 4 raste, Malishevë 4 raste, Deçan 3 raste, Istog 2 raste, Kamenicë 2 raste, Kaçanik 2 raste dhe me nja 1 rast komunat Graçanicë dhe Viti.

Rastet e vdekjes janë nga komunat: Skenderaj 1 rast (63 vjeç), Viti 1 rast (85 vjeç).

Ministri në detyrë i Shëndetësisë, Armend Zemaj, ka thënë se vaksinat kundër koronavirusit do të arrijnë në Kosovë gjatë këtij muaji. Ai siguroi se procesi i përgatitjes për ardhje të vaksinave ka përfunduar, që nënkupton planin e imunizimit dhe sigurimin e zinxhirit të ftohjes.

Kohët e fundit në Kosovë është ngritur alarmi pasi në vend janë regjistruar 3 rastet e para pozitive me variantin britanik të COVID-19.

Ndërkohë qeveria në detyrë është duke zhvilluar një takim me qëllim lehtësimin e masave anti-COVID, aktualisht i vetmi ndryshim i cili është bërë me dije është heqja e orës policore.

J.GJ./Shqiptarja.com

TAG:
• kosove
• Koronavirus
• Vaksina Covid
• masat anticovid
• varianti i ri i COVID