POP 5

Lajmet më të lexuara të 5 minutave të fundit

Arkiva

Kosova, progres në Zgjedhjet 2014

Prishtine, 16 Shtator /ATSH-Behlul Jashari/.- Ambasadori i Norvegjisë në Prishtinë, Jan Braathu, vlerëson zgjedhjet e parakohshme parlamentare të 8 qershorit, si një proces i mirëorganizuar, përkundër kohës së shkurtër që ishte në dispozicion, duke theksuar se “Kosova është duke bërë progres”. Ambasadori norvegjez foli në tryezën “Zgjedhje të jashtëzakonshme me sfida të zakonshme”, organizuar sot […]
Ambasadori i Norvegjisë në Prishtinë, Jan Braathu, vlerëson zgjedhjet e parakohshme parlamentare të 8 qershorit, si një proces i mirëorganizuar, përkundër kohës së shkurtër që ishte në dispozicion, duke theksuar se "Kosova është duke bërë progres".

Ambasadori norvegjez foli në tryezën "Zgjedhje të jashtëzakonshme me sfida të zakonshme", organizuar sot në Prishtinë nga Koalicioni i OJQ-ëve.

Christopher Edwards, Drejtor i USAID-it në Kosovë, e vlerësoi pozitivisht procesin e fundit zgjedhor. Ai tha se në Kosovë një nga prioritetet më të rëndësishme për qeverinë e SHBA vazhdon të jetë mbështetja për zgjedhje të lira dhe transparente në përputhje me standardet ndërkombëtare.

Përfaqësuesi i DnV-së (Demokracia në veprim), Jetmir Bakija, përmendi disa nga problemet që po vazhdojnë t'i shoqërojnë proceset elektorale në Kosovë si, numri i madh i votave të pavlefshme, listat e votuesve, edukimi i votuesëve, votime me asistencë, votimet familjare, përdorimi i resurseve publike dhe shërbyesve civilë për aktivitete partiake.

Kryetarja e KQZ-së, Valdete Daka, vlerësoi se gjetjet e Raportit të DnV-së janë të sakta dhe objektive, por ajo kërkoi mirëkuptimin për disa nga parregullsitë që e shoqëruan procesin e fundit elektoral, duke dhënë arsyetimin se ato kanë ardhur për shkak të kohës së shkurtër që KQZ ka pasur në dispozicion për organizimin e zgjedhjeve.

Shumica e të pranishmëve shtruan nevojën për të vazhduar me reformë të mirëfillitë të legjislacionit zgjedhor, në mënyrë që të adresohen këto arritje dhe mangësi dhe të përmirësohet i gjithë procesi.
Ky është raporti i dytë i publikuar në kuadër të raporteve të DnV-së për vëzhgimin e zgjedhjeve të 8 qershorit 2014. Raporti që pritet të publikohet në vijim do të trajtojë përfshirjen e personave më aftësi të kufizuar në procesin zgjedhor. /ATSH/
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27