POP 5

Lajmet më të lexuara të 5 minutave të fundit

Arkiva

Kosovë– KQZ: GI Srpska me 64.9% fiton zgjedhjet në Graçanicë

  – Lista Srpska e përkrahur nga Beogradi udhëheqë me 9 nga 10 komunat me shumicë serbe në Republikën e Kosovës, e cila ka gjithsej 38 komuna – PRISHTINË, 19 Janar /ATSH-B.Jashari/.- Zgjedhjet e djeshme të jashtëzakonshme për kryetar të komunës së Graçanicës i ka fituar pa balotazh me 64.9% Vladeta Kostiç i Iniciativës Qytetare […]
/ATSH-B.Jashari/.- Zgjedhjet e djeshme të jashtëzakonshme për kryetar të komunës së Graçanicës i ka fituar pa balotazh me 64.9% Vladeta Kostiç i Iniciativës Qytetare Serbe (GI Srpska), sipas rezultateve paraprake të shpallura mbrëmë zyrtarisht nga KQZ-ja e Kosovës.

Sipas rezultatit paraprak të shpallur nga KQZ, tre kandiatët e tjerë për kryetar të Graçanicës kanë këto rezultate: Nenad Rashiç i Partisë Demokratike Progresive (Progresivna Demokratska Stranka) - 31.5%, Dragisha Miriç i Partisë së Re të Kosovës (Nova Partija Kosova) - 1.8%, të dy po ashtu nga komuniteti serb, ndërsa nga subjekti shqiptar Lidhja Demokratike e Kosovës (LDK) Shaip Berisha - 1.7% .

Ky ishte rezultat i pritur dhe kështu Lista Srpska e përkrahur nga Beogradi vazhdon të udhëheqë me 9 nga 10 komunat me shumicë serbe në Republikën e Kosovës, e cila ka gjithsej 38 komuna, 27 prej tyre me shumicë shqiptare e 1 ku shumicë është komuniteti turk. Disa ditë para zgjedhjeve, në 14 janar, Kryeministri i Serbisë, Aleksandar Vuçiç në axhendën e vizitës në Kosovë kishte takimin në Graçanicë me kandidatin e GI Srpska, Vladeta Kostiç, si edhe takimet me përfaqësues të komunitetit serb në institucionet kosovare, përfshirë kryetarët e komunave me shumicë serbe.

Zgjedhjet e jashtëzakonshme të shpallura nga Presidentja e Kosovës, Atifete Jahjaga, në 17 dhjetor 2014, pasuan dorëheqjen e Branimir Stojanoviç nga posti i kryetarit të komunës së Graçanicës pas emërimit të tij zv/kryeministër në qeverinë e re të Kosovës të pas zgjedhjeve të parakohëshme parlamentare të 8 qershorit 2014.
Në Kosovë, zgjedhjet e kaluara lokale, të parat në gjithë territorin, përfshirë veriun, janë mbajtur në 3 nëntor dhe kanë vazhduar me balotazhin e 1 dhjetorit 2013 dhe me disa rivotime të pjesëshme.

Mitrovica e Veriut është komuna më e re, e 38-ta e Kosovës, e 10-ta me shumicë serbe - e 5-ta pas Graçanicës, Kllokotit, Ranillugut e Parteshit, të formuara sipas Propozimit Gjithpërfshirës për Zgjidhjen e Statusit të Kosovës të kryenegociatorit Ahtisaari - emisarit special të OKB-së. Po sipas Paketës Ahtisaari, katër komunave me shumicë serbe që ekzistonin në Kosovë, Leposaviçit, Zubin-Potokut dhe Zveçanit, që të trija në veri, dhe Shtërpcës në jug, i është shtuar edhe një tjetër - Novobërda, me zgjerimin e saj.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

SHBA/ Dorëhiqet prokurori Jack Smith, hetoi presidentin Trump për dokumentet sekrete për përmbysjen e zgjedhjeve në 2020

11 Janar, 22:55