Komisioni Qendror i Zgjedhjeve në Kosovë, certifikoi të shtunën rezultatin e zgjedhjeve të parakohshme parlamentare të 14 shkurtit. Zgjedhje të cilat e shpallën fituese Lëvizjen Vetëvendosje të Albin Kurtit me 50.21 për qind të votave.
Certifikimi i rezultateve erdhi pas shqyrtimit të ankesave të kandidatëve për deputetë dhe subjekte politike nga Paneli Zgjedhor për Ankesa dhe Parashtresa si dhe nga Gjykata Supreme.
Pas certifikimit të rezultatit, ushtruesja e detyrës së presidentit, Vjosa Osmani, brenda 30 ditësh duhet të thërrasë seancën e parë të kuvendit, në mënyrë që të formohen institucionet e reja qeverisëse. Në legjislaturën e re Lëvizja Vetëvendosje do të ketë 58 vende në parlament, Partia Demokratike e Kosovës do të ketë 19, Lidhja Demokratike e Kosovës 15 dhe Aleanca për Ardhmërinë e Kosovës do të ketë tetë mandate.
Nga 20 mandatet e përcaktuara për komunitetet Lista Serbe ka fituar të dhjetë mandatet e garantuara. Dy vende ka fituar Partia Demokratike Turke e Kosovës. Nga një mandat kanë fituar Koalicioni Vakat, Partia e Re Demokratike, Partia Gorane, Iniciativa e Re Demokratike e Kosovës, Partia e Ashkalinjëve për Integrim, Iniciativa Rome, Lëvizja Përparimtare e Romëve të Kosovës dhe Unioni Socialdemokrat.
Pas shpalljes së rezultatit të zgjedhjeve nga KQZ-ja më 4 mars partitë e komuniteteve joserbe iu drejtuan Panelit Zgjedhor për Ankesa dhe Parashtresa, duke thënë se dy subjekte boshnjake dhe rome, kanë fituar vota me ndihmën e Listës Serbe.
PZAP-ja ka miratuar pjesërisht ankesat e këtyre partive politike, duke anuluar votat që këto dy subjekte fituan në komunat me shumicë serbe dhe duke bërë që jashtë kuvendit të mbetet Adrijana Hoxhiq, e cila humbi edhe betejën ligjore në Kushtetuese.
Pas ankesave, PZAP-ja po ashtu kishte urdhëruar rinumërimin e votave me kusht dhe me postë të kandidatëve për deputetë të Aleancës për Ardhmërinë e Kosovës, pas dyshimeve se janë manipuluar votat në favor të një kandidateje, gjë e cila shkaktoi dorëheqjen e ish-ministres së jashtme dhe arrestimin e dy personave.
Kreu i LVV-së, Albin Kurti dhe Vjosa Osman kanë thirrur takime konsultative me liderët e partive, lidhur me krijimin e institucioneve të reja. Takimet pritet të mbahen të hënën më 15 mars dhe Kurit për qeverinë e re u duhen vetëm 61 vota. Për krijimin e qeverisë Kurti ka thënë se qeverinë synon ta formojë me disa parti të komuniteteve joserbe.
Kosova po ashtu pritet që të zgjedhë edhe presidentin e ri, për të cilin duhen të paktën 80 vota për të fituar, kandidatja e Vetëvendosjes për këtë post është ushtruesja aktuale e detyrës së presidentit Vjosa Osmani, e cila në zgjedhjet e 14 Shkurtit dhe në të gjithë historinë e vendit ka rezultuar si personi më i votuar.
Lajme të tjera
-
Anëtarët e Listës Serbe japin dorëheqje nga KKZ-të në veri
8 Prill, 16:22 -
KQZ miraton 19 qendra të votimit në veri të Kosovës, 13 prej tyre alternative
14 Prill 2023, 14:56 -
Votimi elektronik jo vetëm në Vorë, por edhe në bashki të tjera, burime: Po shqyrtohen Elbasani dhe Kamza! Qeveria i kalon KQZ-së 2 miliard lekë
30 Janar 2023, 16:37
-
Tensionet në veri kanë arritur kulmin, partitë politike në Kosovë vendosin shtyrjen e zgjedhjeve deri në këtë datë
10 Dhjetor 2022, 16:02 -
KQZ i jep mandatin e deputetit Ori Nebiajt dhe Petrit Dodës, zëvendësojnë Grida Dumën dhe Alfred Rushajn
1 Dhjetor 2022, 11:23 -
BE: Zgjedhjet e së dielës në Kosovë, të administruara mirë dhe konkurruese
17 Nëntor 2021, 02:26 -
Zgjedhjet lokale në Kosovë, KQZ: Fushata zgjedhore fillon me 16 shtator deri 15 tetor! Diaspora ka 1 muaj kohë për të votuar
17 Qershor 2021, 18:37 -
Ish-kryetarja e Komisionit Qendror të Zgjedhjeve në Kosovë: Shkarkimi im jokushtetues, do të ndjek rrugët ligjore
15 Qershor 2021, 12:14 -
LSI në Vlorë denoncon në KQZ tre zyrtarë të administratës: Kanë shkelur ligjin duke marrë pjesë në takimet elektorale të PS
9 Prill 2021, 11:58 -
Vjosa Osmani u zgjodh presidente, DW: Merr fund drama politike në Kosovë
5 Prill 2021, 10:03 -
Kur do të themelohen institucionet e reja në Kosovë?
19 Mars 2021, 12:52 -
Kosovë, Kurti dhe Osmani takohen me Hoxhaj dhe Haradinaj për qeverinë e re, diskutojnë për presidentin
15 Mars 2021, 09:33
