POP 5

Lajmet më të lexuara të 5 minutave të fundit

Kosova & Rajoni

Komisioni për parandalimin e krizave i Bundestagut: Nga vakumi përfitojnë Rusia, Kina dhe Turqia

Deputeti gjerman Ottomar von Holtz:  Ne do bisedojmë me qeverinë federale për të bërë çdo përpjekje në mënyrë që të shmanget krijimi i çdo vakumi, që do të mund ta shfrytëzonin Rusia, Kina apo Turqia

Komisioni për parandalimin e krizave i Bundestagut: Nga vakumi përfitojnë Rusia, Kina dhe Turqia

Delegacioni i deputetëve gjermanë nga komisioni për Parandalimin e Krizave zhvilluan këto ditë vizita në Kosovë e Serbi. 

Ata biseduan me përfaqësues dhe njerëz nga organizata, parti politike, persona vendimmarrës, si dhe me shoqërinë civile, për të kontribuar dhe ndihmuar në shmangien dhe rritjen e tensioneve mes dy vendeve.

Deputeti gjerman Ottomar von Holtz tha se “ka një pjesë të madhe të popullsisë, sidomos gjeneratat e reja, që janë të lodhur me retorikën e vjetër të luftës. Ata dëshirojnë që, në vend se të ndiqet kjo logjikë e luftës dhe të vazhdojnë të jenë të ngrira marrëdhëniet mes Kosovës dhe Serbisë, do të ishte më mirë që të shikohet e ardhmja dhe t'i kushtohet vëmendje nevojave personale të tyre dhe stabilitetit”.

Delegacioni i deputetëve gjermanë ka biseduar edhe me liderin e Vetëvendosjes Albin Kurti dhe me kandidaten e LDK për kryeministre Vjosa Osmani dhe janë shprehur se ata e kanë një ide të qartë se si mund t'i zgjidhin problemet e Kosovës, problemet e brendshme dhe të drejtësisë.

Shpresa jonë, - tha Holtz, është që përmes këtyre proceseve do të mund të shohim një çtensionim të situatës së përgjithshme. Ne - tha ai, do bisedojmë me qeverinë federale për të bërë çdo përpjekje në mënyrë që të shmanget krijimi i çdo vakumi, që do të mund ta shfrytëzonin Rusia, Kina apo Turqia.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34