POP 5

Lajmet më të lexuara të 5 minutave të fundit

Ekonomi

Kostot e ndërtimit u rritën me 3.1% në vitin e kaluar! Shifër rekord në 2021, u dhanë 1396 leje ndërtimi

Kostot e ndërtimit në vitin e kaluar u rritën me 3.1%, të ndikuara më së shumti nga çmimet e rritura të transportit dhe shtrenjtimi i materialeve të ndërtimit. Ndërkohë në vitin e kaluar, numri i lejeve të reja të ndërtimit, arriti në shifrën më të madhe që prej vitit 2011.

Ndërtimet e reja pritet të jenë edhe më të kushtueshme, për shkak se kostot janë shtuar. Sipas të dhënave të INSTAT për vitin 2021, çmimet në sektorin e ndërtimit u rritën me 3.1%, duke dëshmuar për një shtrenjtim më të lartë se çmimet e konsumit.

Në tremujorin e tretë të 2021 INSTAT thotë se transporti pati shtrenjtimin më të madh me 4.5% në raport me vitin 2020, duke reflektuar menjëherë rritjen e çmimit të transportit në tërësi dhe jo vetëm të karburantit. Më pas vijnë materialet e ndërtimit që u shtrenjtuan me 4,1 %, dhe rritja më e madhe është reflektuar tek hekuri.

Në vend të tretë për rritjen më të lartë janë shpenzimet për paga me 2,9 %, më pas energjia është rritur me 1.5% dhe në fund janë shpenzimet për makineritë që janë shtrenjtuar me 0,6 %.

Ekspertët e këtij sektori thonë, se kostot e rritura janë ndër shkaqet kryesore për rritjen e çmimit të apartamenteve për shitje dhe qira.

Ndërkohë, vitin e kaluar ka regjistruar rekord numri i lejeve të miratuara, për ndërtesa të reja. Sipas të dhënave të INSTAT, deri në fund të dhjetorit 2021, u dhanë 1.396 leje ndërtimi, duke arritur shifrën më të lartë në 10 vitet e fundit.

Ndikim në rritjen e numrit të lejeve të ndërtimit ka dhënë edhe procesi i rindërtimit, pasi lejet e miratuara vjet ishin në rritje me 45.3%, në raport me 2020. Në 2021, vlera e përafërt e lejeve të ndërtimit miratuar për ndërtesa dhe punime inxhinierike ishte 99,2 miliardë lekë.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Ministri Hoxha takohet me homologen britanike: Bashkëpunim të ngushtë në luftën kundër krimit të organizuar

Ministri Hoxha takohet me homologen britanike: Bashkëpunim të ngushtë në luftën kundër krimit të organizuar

30 Mars, 22:57