POP 5

Lajmet më të lexuara të 5 minutave të fundit

Ekonomi

Kostot e prodhimit dhe ndërtimit u rritën, u ulën çmimet e produkteve të importit

Kostot e prodhimit për të gjitha industritë nga ajo nxjerrëse, përpunuese e deri tek energjia janë rritur në fund të vitit 2023. Sipas INSTAT, edhe ndërtimi është shtrenjtuar, por nga ana tjetër në tremujorin e fundit vjet kanë rënë çmimet e importit, duke dhënë sinjale që bizneset vendase po i blejnë më lirë mallrat jashtë vendit.

Viti 2023 është mbyllur me rritje të kostove të prodhimit dhe të ndërtimit. Referuar raporteve të fundit të INSTAT, në tremujorin e fundit të vitit të shkuar çmimet e industrisë prodhuese janë rritur me 3.1%.

Krahasuar me të njëjtën periudhë të vitit 2022, rritja më e madhe e çmimeve është regjistruar tek grupi i energjisë elektrike me 7.5%, ndjekur nga industria nxjerrëse me 4.5%, më pas është furnizimi me ujë me 1.7% dhe Industria përpunuese me 1,5%.

Brenda grupit të “Industrisë përpunuese” rritja më e madhe e çmimeve ka ndodhur tek “Përpunimi i produkteve ushqimore” me 5,8 %, dhe prodhimi i pijeve me 4.5%. Por rritje ka pasur edhe tek produktet e tjera.

Me 4% thotë INSTAT në tremujorin e katërt vjet u shtrenjtuan edhe kostot e ndërtimit, dhe shkaqet kryesore janë energjia elektrike dhe rritja e pagave.

Ndërsa sa i takon çmimeve të importit ato kanë rënë me 0.5% në këtë periudhë krahasuar me vitin 2022, duke dëshmuar që çmimet e mallrave të importuara kanë qenë më të lira në tremujorin e fundit të vitit. Sipas raportit rënia më e fortë e çmimeve ka qenë në industria nxjerrëse me -3.6%. Me 3% janë reduktuar edhe çmimet në seksionin e furnizimit me ujë apo 2.1% më lirë ishte energjia elektrike.

“Gjithashtu, çmimet në seksionin “Industria përpunuese”, me peshën më të madhe prej 90,6 % ,shënuan një ulje prej 0,3 %. Brenda këtij seksioni ulja më e madhe e çmimeve vërehet në produktet e aktivitetit “Prodhimi i produkteve të duhanit” me 3,9 %, pasuar nga “Prodhimi i lëkurës dhe produkteve prej lëkure” me 3,2 %, “Përpunimi i tekstileve” dhe “Prodhimi i produkteve optikë, elektronikë, kompjuterikë” me 2,9 % secili, “Prodhimi i produkteve të kauçukut dhe plastikës” me 2,8 %, “Përpunimi i produkteve dhe preparateve farmaceutikë” me 1,8 %, etj. Nga ana tjetër çmimet në aktivitetin “Përpunimi i koksit dhe rafineria e nënprodukteve të naftës” shënuan rritje me 3,1 %”, thuhet në raport.

Edhe më herët në raporte të Bankës së Shqipërisë, është vlerësuar se inflacioni i brendshëm i shkaktuar nga rritja e pagave për të mbajtur punonjësit apo kërkesa e lartë për mallra, po shtrenjton produktet pasi rriten kostot e bizneseve.

G.K//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46