TIRANË- Në Kolegjin e Posaçëm i Apelimit vijon procesi gjyqësor për gjyqtaren e Krujës, Enkelejda Hoxha, e njohur për lirimin nga burgu të të dënuarve me burgim të përjetshëm, deri ku u arrestua në flagrancë nga SPAK, në shkurt të vitit 2021, duke liruar të dënuarin e radhës Saimir Petanin, në këmbim të 12 mijë eurove. Krahas arrestimit nga SPAK, Këshilli I Lartë Gjyqësor shkarkoi nga detyra Enkeleida Hoxhën në 17 mars 2021, me kërkesë të Inspektorit të Lartë të Drejtësisë, Artur Metani, për shkelje të rënda gjatë lirimit të të dënuarve nga burgu.
Enkelejda Hoxha kundërshton në KPA pikërisht vendimin e KLGJ që e shkarkoi nga detyra, ndërsa çështja penale është një proces tjetër i ndarë. Në seancën e djeshme në KPA, Enkelejda Hoxha ka pranuar dosa shkelje dhe gabime, gjatë ndjekjes dhe zbatimit të procedurave për lirimin para kohe nga burgu të të dënuarve për vrasje. Por, sipas gjyqtares, këto shkelje janë të lehta dhe nuk përbëjnë shkak për t’u shkarkuar nga detyra. Për këto shkelje të pranuar, Enkeleida Hoxha ka kërkuar një marrëveshje me organin procedues.
Befasia e këtij procesi është se Enkelejda Hoxha ka deklaruar se shumë kolegë të saj gjyqtarë, kanë vepruar njolloi si ajo, duke liruar të dënuarit nga burgu. Hoxha ka deklaruar se Inspektori i Lartë të Drejtësisë ka operuar me dy standarde, duke proceduar atë, por jo gjyqtarët e tjerë, të cilët kanë konsumuar të njëjtat shkelje. Enkeleida Hoxha ka pretenduar se disponon dosje që provojnë se si gjyqtarë të tjerë, kanë vepruar ai ajo, ndërsa nuk janë proceduar. Gjyqtarja e Krujës ka kërkuar që KPA t’i administrojë këto dosje, të cilat janë refuzuar nga KLGJ-ja.
Kolegji i Posaçëm i Apelimit njoftoi sot se ka vendosur të pranojë si prova dosjet e pretenduara nga Enkelejda Hoxha, të cilat pritet të rrezikojnë disa gjyqtarë të tjerë, duke nxjerrë në pah skandale të reja të lirimit të të dënuarave nga burgu.
“Pasi u konsultua, trupi gjykues vendosi të administrojë fashikujt e procedimit disiplinor të Këshillit të Lartë Gjyqësor të depozituar në Kolegj, si dhe pranojë në cilësinë e provës aktet e reja të depozituara nga ankuesja gjatë seancës së sotme gjyqësore”, njofton KPA. Seanca e radhës gjyqësore në KPA do të mbahet në 10 maj 2022.
Enkelejda Hoxha i hoqi dënimin përjetë Endrit Dokles, ish numri dy i Bandës së Durrësit, duke e liruar nga burgu. Gjyqtarja ka liruar nga burgu në 2017-ën, Genc Tafilin, vëllanë e Admir Tafilit, të dy emra shumë të njohur për drejtësinë shqiptare, të dënuar për vrasjen e komisarit të policisë Arben Zylyftarit.
Gjyqtare liroi edhe Ilir Pajën nga burgu, të njohur me nofkën "UFO" nga drejtësia italiane, pasi ishte arratisur tre herë. Enkelejda Hoxha lioi nga burgu edhe Hekuran Billën, i dënuar me burgim të përjetshëm në Angli, për vrasje. Billa u vra tek Komuna e Parisit. Në fund, Enkelejda Hoxha po lironte edhe Saimir Petanin, i arrestuar për vrasje, por këtë herë SPAK e arrestoi gjyqtaren në sallën e gjyqit.
Lajme të tjera
-
U shkarkua në 2021 pasi nuk provoi burimin e ligjshëm të pasurisë, KPA lë në fuqi vendimin e KPK për gjyqtarin e Apelit të Vlorës, Nazmi Troka
26 Nëntor, 09:23 -
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06 -
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
SKEDA/ Operacioni i SPAK, kush është Taulant Tafa, gjyqtarit që iu kontrollua banesa! Dy vite më parë i uli dënimin Arben Grorit
25 Nëntor, 14:08 -
Vettingu/ Mbyllet rivlerësimi në KPK, në ‘filtër’ 805 magjistratët! Vetëm 373 u konfirmuan të ndershëm, qytetarët ndihmuan drejtësinë me rreth 6700 denoncime (SHIFRAT)
22 Nëntor, 12:05
-
KLGJ miraton listën e 12 kandidatëve që do të ndjekin Shkollën e Magjistraturës
20 Nëntor, 18:32 -
KPA lë në fuqi shkarkimin e prokurorit të Lushnjës Artan Hazbi
20 Nëntor, 10:51 -
Apeli i GJKKO-së i përgjysmon dënimin Ardian Hajdarit, ish-anëtarit të Kolegjit të Posaçëm të Apelimit! Akuzohet për fshehje dhe mosdeklarim pasurie (VENDIMI)
18 Nëntor, 12:21 -
Godinë me qira për Gjykatën e Apelit, KLGJ kërkon 30 milionë euro shtesë! PD: Ju kemi llastuar! Kryetari Rusi: S'po bëj kërkesa luksi
15 Nëntor, 12:53 -
KPA konfirmon shkarkimin e gjyqtares së Apelit në Tiranë, Evjeni Sinojmeri
14 Nëntor, 16:43 -
KPA konfirmon shkarkimin e prokurores së Kurbinit, Ajola Prençi
14 Nëntor, 11:18 -
KPA u thotë 'stop' gjyqtarëve dhe prokurorëve: Nuk kemi tagër të rishikojmë vendimet tona të shkarkimit
14 Nëntor, 10:47
